गडचांदुर-राजूरा मार्गावर पिकअपचा चित्र-विचित्र अपघात

• अपघातात ७ लोक जखमी ; एक गंभीर
• हरदोना खुर्द जवळील घटना

धनराजसिंह शेखावत - आमचा विदर्भ प्रतिनिधी

गडचांदूर - 

गडचांदूर वरून राजूराकडे येत असतांना एका पिकअप मालवाहक वाहनाचा भीषण अपघात झाल्याची घटना १७ जुलै रोजी दुपारी अंदाजे २ च्या सुमारास राजूरा गडचांदूर रोड वरील हरदोना खुर्द या गावा जवळ घडली. सदर वाहन जिवती तालुक्यातील नारपठार येथील असल्याचे कळते. मिळालेल्या माहितीनुसार पीकअप क्र. एमएच ३४ एबी ९७२७ या वाहनाचा अपघात झाल्याने ७ लोक जखमी झाल्याची माहिती मिळाली आहे. चित्र-विचित्र झालेल्या या अपघातात पोलिसांना एक ट्रक क्र. एमएच ३४ बीजी ८७७३ ला ताब्यात घेतले असून या ट्रक चालकाने एका हायवा ने पिकअप व नंतर आमचा गाडीला ठोकल्याचे सांगितले आहे. 

या अपघातात साधू जंगू नैताम वय ४५, गाडी मालक रामेश्वर माधव डूरे वय २७, गोविंद सखाराम ठोंबरे वय ३७, राम धोराजी रंगले वय ४५, पांडुरंग माधव सावंत वय ३७, चंदन किसन जाधव, दत्ता बंडू कदम हे जखमी झाले असून हनुमंत ठोंबरे चालक हा फरार असल्याची माहिती मिळाली आहे. घटनेची माहिती मिळताच गडचांदूर पोलिसांनी घटनास्थळी तातडीने दाखल झाले व जखमींना ग्रामीण रुग्णालय गडचांदूर येथे पाठविण्यात आले. अपघातात एकाची परिस्थिती गंभीर असून त्याला चंद्रपुरात पाठविण्यात आले आहे. समोरील तपास गडचांदूर पोलीस करीत आहे. 

बातम्या अधिक आहेत....

⭕ बोंबला ; म्हणे, स्वतःचे बियर बार लावुन करणार शहराचा विकास ⭕ दारू दुकानाच्या नाहरकतीसाठी न.प. ने बोलावली विशेष सभा ⭕ दारूसाठी होत असलेली सत्ताधाऱ्यांची धडपड ही चिंतेची बाब