अज्ञात आरोपीविरोधात गुन्हा दाखल
राजुरा पोलिसांसमोर खुनाचे आवाहन; अज्ञात आरोपीचा शोध सुरू
आमचा विदर्भ - दीपक शर्मा
राजुरा (दि. 29 मे 2026) -
पोलीस स्टेशन राजुरा अंतर्गत येणाऱ्या WCL कॉलनी धोपटाळा टाऊनशिप परिसरात एका महिलेची धारदार शस्त्राने गळा चिरून हत्या करण्यात आल्याची धक्कादायक घटना उघडकीस आली आहे. या घटनेमुळे परिसरात भीतीचे वातावरण निर्माण झाले असून पोलिसांनी अज्ञात आरोपीविरोधात खुनाचा गुन्हा नोंद करून तपास सुरू केला आहे.
मृत महिला शितल रणधीर कुंभारे वय 36 वर्षे, रा. महाकाली कॉलरी चंद्रपूर या उन्हाळ्याच्या सुट्टीसाठी आपल्या मुलीसह माहेरी धोपटाळा येथील क्वॉर्टर क्रमांक 52/2 मध्ये राहण्यासाठी आल्या होत्या. दिनांक 29 मे 2026 रोजी रात्री शितल कुंभारे व त्यांची मुलगी घरात झोपलेली असताना रात्री 12.30 वाजेपासून ते सकाळी 10.00 वाजेच्या दरम्यान अज्ञात इसमाने घरात अनधिकृत प्रवेश करून कोणत्यातरी धारदार शस्त्राने शितल कुंभारे यांचा गळा चिरून खून केल्याची प्राथमिक माहिती समोर आली आहे. या प्रकरणी मृत महिलेचे पती रणधिर राजू कुंभारे यांनी दिलेल्या तक्रारीवरून पोलीस स्टेशन राजुरा येथे भारतीय न्याय संहिता कलम 103 (1) व 332 (अ) अन्वये अज्ञात आरोपीविरोधात गुन्हा नोंद करण्यात आला आहे.
घटनेची माहिती मिळताच स्थानिक गुन्हे शाखा तसेच पोलीस स्टेशन राजुरा येथील पथक घटनास्थळी दाखल झाले. आरोपीचा शोध घेण्यासाठी विविध पथके रवाना करण्यात आली असून परिसरातील संशयित हालचाली व अन्य तांत्रिक बाबींची तपासणी सुरू करण्यात आली आहे. पोलीस अधीक्षक चंद्रपूर यांच्या मार्गदर्शनाखाली तसेच पोलीस निरीक्षक आसीफराजा शेख यांच्या नेतृत्वात या गुन्ह्याचा पुढील तपास सुरू असून आरोपीला लवकरच अटक करण्यात येईल, असा विश्वास पोलिसांकडून व्यक्त करण्यात येत आहे.
#RajuraNews #ChandrapurNews #Dhopatala #WCLColony #CrimeNews #MurderCase #RajuraPolice #ChandrapurCrime #BreakingNews #MaharashtraNews #VidarbhaNews #PoliceInvestigation #CrimeInMaharashtra #AamchaVidarbha #LatestMarathiNews #chandrapurnews #chandrapurcity #chandrapur #aamchavidarbha #vidarbha
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.