चंद्रपूरचे डॉ. रमेशकुमार बोरकुटे यांना “भारत श्री रत्न सन्मान 2025” पुरस्कार

भारत श्री रत्न पुरस्काराने चंद्रपूरचा लौकिक वाढविला

आमचा विदर्भ - दीपक शर्मा 

नवी दिल्ली (01 नोव्हेंबर 2025) -

        देशाचे लौहपुरुष सरदार वल्लभभाई पटेल यांच्या 150व्या जयंतीनिमित्त आयोजित राष्ट्रीय एकता दिनाच्या औचित्याने नवी दिल्लीतील भारत आंतरराष्ट्रीय केंद्रात “भारत श्री रत्न सन्मान 2025” या भव्य सोहळ्याचे आयोजन करण्यात आले. या प्रतिष्ठित कार्यक्रमाचे आयोजन आयएसआरएचई फाऊंडेशनचे अध्यक्ष अतुल शर्मा (उत्तर प्रदेश) यांनी “एकता आणि उत्कृष्टता” या संकल्पनेखाली केले. कार्यक्रमाचे अध्यक्षस्थान संसद सदस्य प्रवीण खंडेलवाल यांनी भूषविले, तर दिल्ली महापालिकेच्या स्थायी समितीच्या अध्यक्षा सत्या शर्मा प्रमुख पाहुण्या म्हणून उपस्थित होत्या.

        या सोहळ्यात चंद्रपूरचे सुप्रसिद्ध समाजसेवी आणि यहोवा यिरे अर्बन क्रेडिट को-ऑपरेटिव्ह सोसायटी लिमिटेड तसेच यहोवा यिरे फाऊंडेशनचे मुख्य कार्यकारी अधिकारी डॉ. रमेशकुमार एस. बोरकुटे यांना सामाजिक बांधिलकी, उद्यमशीलतेचा विकास आणि उत्कृष्ट कार्यासाठी “अग्रणी सीईओ उत्कृष्टता पुरस्कार भारत श्री रत्न सन्मान 2025” देऊन गौरविण्यात आले. हा सन्मान अध्यक्षा सत्या शर्मा यांच्या हस्ते डॉ. रमेशकुमार बोरकुटे यांना प्रदान करण्यात आला. यावेळी विविध राज्यांतील उद्योगपती, सामाजिक कार्यकर्ते आणि मान्यवर अतिथी उपस्थित होते.

डॉ. रमेशकुमार यांचा प्रेरणादायी संदेश :

            पुरस्कार स्वीकृत करताना डॉ. रमेशकुमार बोरकुटे म्हणाले, “आपले ध्येय आहे – ‘शिका, कमवा आणि प्रगती करा.’ बेरोजगारीचा कलंक दूर करून प्रत्येक युवक-युवतीला आत्मनिर्भर बनविणे हेच माझे जीवन मिशन आहे.” ते पुढे म्हणाले, “देशाच्या विकासाची खरी कणा म्हणजे तरुण शक्ती. योग्य दिशा, प्रशिक्षण आणि संधी मिळाल्यास भारत जगातील अग्रगण्य राष्ट्र होऊ शकतो. रोजगाराच्या संधी वाट बघून येत नाहीत, त्या कष्ट, शिक्षण आणि कौशल्याच्या जोरावर मिळवाव्या लागतात. जर आपण योग्य मार्गावर दृढतेने चाललो, तर सुवर्ण दिवस नक्कीच येतील.”

        डॉ. बोरकुटे यांनी तरुणांना आवाहन केले की, “ते राष्ट्रनिर्मितीत सक्रिय सहभाग घ्यावेत, आत्मनिर्भर भारताच्या उभारणीत योगदान द्यावे आणि उद्यमशीलतेच्या माध्यमातून नवे रोजगार निर्माण करावेत.” कार्यक्रमात उपस्थित सर्व मान्यवरांनी डॉ. बोरकुटे यांच्या सामाजिक कार्याची आणि यहोवा यिरे फाऊंडेशनच्या समाजोन्नतीसाठीच्या प्रयत्नांची स्तुती करत टाळ्यांच्या गजरात त्यांना सन्मानित केले.

#DrRameshkumarBorkute #BharatShriRatna2025 #ChandrapurPride #NationalUnityDay #ISRHEFoundation #EntrepreneurshipAward #InspiringLeader #SelfReliantIndia #YouthEmpowerment #DelhiEvent #chandrapurnews #chandrapurcity #chandrapur #aamchavidarbha #vidarbha