सामाजिक दायित्वाची जाण ठेवणारा युवा!

सामाजिक दायित्वाची जाण ठेवणारा युवा!

देवेन टोंगे यांचा प्रेरणादायी वाढदिवस

आमचा विदर्भ - अनंता गोखरे 

राजुरा (दि. १४ एप्रिल २०२५) -

        नेफडोचे गडचांदुर शहर बाल संघटक देवेन रितेश टोंगे यांनी त्यांच्या वाढदिवसाचे औचित्य साधून निंबाळा (ता. राजुरा) येथील जिल्हा परिषद प्राथमिक शाळेत गावातील मुलांना क्रिकेट व व्हॉलीबॉल किट वाटप करून सामाजिक बांधिलकी जपत साजरा करण्यात आला. या कार्यक्रमात अध्यक्ष म्हणून कळमनाचे सरपंच नंदकिशोर वाढई यांनी उपस्थित राहून "सामाजिक दायित्व जोपासत आपले कर्तव्यही जपावे" असा मोलाचा संदेश दिला.

        कार्यक्रमाला प्रमुख अतिथी म्हणून शाळा व्यवस्थापन समितीचे अध्यक्ष गणेश मेश्राम, सदस्य देवानंद मोहारे, विठ्ठल परचाके, ग्रामसेवक सिताराम मरापे, नैसर्गीक पर्यावरण संवर्धन व मानवता विकास संस्थेचे पदाधिकारी व सदस्य तसेच कोरपणा तालुका महिला अध्यक्षा उषा टोंगे, सचिव अरुणा सालवटकर, संघटीका सुलभा कुरेकर आदी मान्यवर मोठ्या संख्येने उपस्थित होते. कार्यक्रमाची सुरुवात डॉ. बाबासाहेब आंबेडकर यांच्या प्रतिमेला पुष्पहार अर्पण करून करण्यात आली. शाळेला भारताचे संविधानाचे पुस्तक भेट देण्यात आले. कार्यक्रमाचे सूत्रसंचालन बादल बेले यांनी केले तर आभार प्रदर्शन स्मिता विरुटकर यांनी मानले. या उपक्रमाच्या यशस्वितेसाठी कविता शर्मा, बबलू चव्हाण, रवी बुटले, प्रणिता मांडवकर, सुवर्णा बेले यांचे योगदान लाभले.