पोलिसांची मोठी धडक कारवाई

पोलिसांची मोठी धडक कारवाई

६६ हजारांचे प्रतिबंधित तंबाखू जप्त; आरोपी गजाआड!

आमचा विदर्भ - दीपक शर्मा

चंद्रपूर (दि. २६ एप्रिल २०२५) -

        दिनांक २५ एप्रिल २०२५ रोजी, स्थानिक गुन्हे शाखा, चंद्रपूरच्या पथकाने गोपनीय माहितीच्या आधारे पोलीस ठाणे गोंडपिपरी हद्दीतील प्रकश्श बळीराम कोसारे (रा. गोंडपिपरी) यांच्या राहत्या घरावर छापा टाकला. पंचासमक्ष घेतलेल्या झडतीमध्ये प्रतिबंधित सुगंधीत तंबाखूचे विविध ब्रँड (Mazaa, Eagle, Shisha Hookah) आढळून आले. एकूण ६६,९९५/- रुपयांचा प्रतिबंधित माल जप्त करण्यात आला. याप्रकरणी प्रकश्श बळीराम कोसारे यांच्याविरुद्ध गोंडपिपरी पोलीस ठाण्यात अपराध क्रमांक ७७/२०२५ भारतीय न्याय संहिता २०२३ चे कलम २२३, २७५ आणि अन्नसुरक्षा व मानके अधिनियम २००६ च्या कलम ३, ४, ५९ अंतर्गत गुन्हा दाखल करण्यात आला आहे. पुढील तपास गोंडपिपरी पोलिसांकडून सुरू आहे.

        ही कामगिरी पोलीस अधीक्षक मुम्मका सुदर्शन, अपर पोलीस अधीक्षक रिना जनबंधु यांच्या मार्गदर्शनाखाली पोलीस निरीक्षक अमोल काचारे यांच्या नेतृत्वात सपोनि दीपक कांक्रेडवार, सपोनि बलराम झाडोकार, पोउपनि संतोष निंभोरकर, पोअं जयसिंग आणि पोअं मिलींद जांभुळे यांच्या संयुक्त पथकाने केली आहे.