एम.डी. ड्रग्ससह एक जण अटकेत
१.६५ लाखांचा मुद्देमाल जप्त
आमचा विदर्भ - रवीश शर्मा
चंद्रपूर (दि. २६ एप्रिल २०२५) -
स्थानिक गुन्हे शाखा, चंद्रपूरच्या पथकाने मिळालेल्या गुप्त माहितीच्या आधारे पोलीस ठाणे रामनगर हद्दीतील इंदिरा नगर परिसरात कारवाई केली. या कारवाईदरम्यान, हनीफ करीम शेख (रहिवासी - इंदिरा नगर, रामनगर) यांच्या घरी पंचासमक्ष झडती घेण्यात आली. तपासात त्याच्याकडून ३३.०४ ग्रॅम एम.डी. (Mephedrone) ड्रग्स पावडर, अंदाजे १,६५,०००/- रुपये किंमतीचा अंमली पदार्थ जप्त करण्यात आला आहे. यासंदर्भात रामनगर पोलीस ठाण्यात अपराध क्रमांक ३२३/२०२५, कलम ८ (क), २२ (ब) गुंगीकारक व मनोव्यापारावर परिणाम करणाऱ्या पदार्थ अधिनियम १९८५ अंतर्गत गुन्हा नोंदवण्यात आला आहे. या कारवाईचे नेतृत्व पोलीस निरीक्षक अमोल काचारे यांच्या मार्गदर्शनाखाली करण्यात आले. सदर कामगिरीत सपोनि दीपक कांक्रेडवार, सपोनि बलराम झाडोकार, पोउपनि संतोष निंभोरकर, सफौ स्वामीदास चालेकर आणि त्यांच्या सहकाऱ्यांनी सहभाग घेतला. पुढील तपास रामनगर पोलीस स्टेशनकडून सुरु आहे.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.