राजुरा विधानसभा क्षेत्रात रस्ते, पुलांची दैनावस्था

रस्त्यासोबतच पूलही उखडला

आमचा विदर्भ - दीपक शर्मा 

राजुरा (दि. ५ ऑगस्ट २०२४) -

        राजुरा तालुक्यातील तेलंगणाच्या सीमेवर असलेल्या लक्कडकोट परिसरातील कोष्टाळा कडे जाणाऱ्या रस्त्यांची दुरावस्था झालेली आहे. थेट तेलंगणा सीमेलगतच्या कोष्टाळा परिसरात पाच घोट्टे आहेत. बारीकराव घोट्टा पासुन ते हनुमान घोट्टा जायच्या मार्गावर ग्रामस्थांना जाणे येण्याकरिता तारेवरची कसरत करावी लागत आहे. वर्षानुवर्षे या रस्त्यांची साधी डागडुजी देखील झालेली नाही. स्थानीक प्रशासनाला व लोक प्रतिनिधींना या भयानक वास्तव्याची जाणीव असून देखील याबाबत त्यांच्याकडून काहीही उपाय किंवा तजवीज होतांना दिसत नाही. अशी येथील लोकांची खंत आहे. खडतर आणि खाचखळग्यांच्या रस्त्यावरून नागरिक, वृद्ध, रुग्ण व महिला तसेच शाळकरी विद्यार्थी प्रवास करतात. कधीतरी शासनाला जाग येऊन ते रस्ता करतील किंवा डागडुजी करतील या भोळ्या आशेवर येथील ग्रामस्थ जगत आहेत.

पूलही झाला धोकादायक.......

        गावाकडे जाणारा पूल खचला आहे. पुलावरील स्लॅपच अर्ध्याहून जास्त वाहून गेल्याने पुलावरून पाणी वाहत असताना एखाद्या वाहनचालकाने अवधानाने वाहन पुलावरून नेल्याच्या प्रयत्न केल्याने येथे अपघात होण्याची शक्यता बळावली आहे. संबंधित विभागाने गंभीरतेने रस्ता व पुलाचे बांधकाम करावे अशी मागणी ग्रामस्थांनी केली आहे.

#aamchavidarbha #vidarbha #news #breakingnews #chandrapur #ballarpur #wirurstation #rajura #Poorconditionofroadsbridges #bridgecollapsed #RajuraTaluka #TelanganaBorder #Koshtala #Lakkadkot #RajuraAssemblyConstituency