जिल्हा परिषद शाळेत शिक्षकांच्या मागणीकरिता गट शिक्षणाधिकाऱ्याला निवेदन

शाळेला शिक्षक द्या हो शिक्षक 

जिप शाळेला दोन वर्षांपासून शिक्षकांची प्रतीक्षा

जिल्हा परिषद शाळेत शिक्षकांच्या मागणीकरिता गट शिक्षणाधिकाऱ्याला निवेदन

आमचा विदर्भ - अविनाश रामटेके, प्रतिनिधी

विरूर स्टेशन (दि. ५ ऑगस्ट २०२४) -

        विरूर स्टेशन येथील जिल्हा परिषद तेलुगू शाळेकरिता शिक्षकांच्या मागण्यांबाबत शाऴा व्यवस्थापन समिती व पालकांनी गट शिक्षणाधिकारी यांना निवेदन दिले आहे. जिल्हा परिषदेच्या विरूर केंद्रात एकमेव तेलुगू भाषेची शाळा आहे. दोन वर्षांपूर्वी या शाळेत केवळ दोनच विद्यार्थी होते. मात्र ग्रामस्थांच्या प्रयत्नाने पालकांनी इंग्रजी कॉन्व्हेंट शाऴेतील आपल्या मुलानां जिल्हा परिषदेच्या तेलुगू शाळेत प्रवेश मिळवून दिला. त्यामुळे या शाळेतील विद्यार्थी संख्या आता 2 वरून 85 च्या जवळ पास आहे. इंग्रजी माध्यमाच्या शाळांमधून काढून सरकारी शाळांमध्ये प्रवेश मिळूनही शिक्षकांची कमतरता शासनाच्या उणिवा अधोरेखित करत असल्याचे दिसून येत आहे. 

        गत दोन वर्षांपासून शाळेत दोन 2 शिक्षकांची कमतरता असून या संदर्भात पालकांनी लोकप्रतिनिधी, जिल्हाधिकारी, शिक्षणाधिकारी यांना वेळोवेळी निवेदन दिलेले असतांना सुद्धा शाळेत शिक्षकांची नियुक्ती करण्यात आलेली नाही. एकीकडे शासन ''बेटी पढाओ, बेटी बचाव'' अभियान राबवत असताना सुद्धा शिक्षणासारख्या मूलभूत समस्येकडे शासनाचे दुर्लक्ष होत असून शिक्षकच नसल्याने विद्यार्थ्यांचे शैक्षणिक नुकसान होत आहे. गटशिक्षणाधिकारी यांनी दोन दिवसात दोन शिक्षक शाळेत नियुक्ती करण्यात येणार असल्याचे आश्वासन दिले. विद्यार्थ्यांचे शैक्षणिक नुकसान बघता तात्काळ शिक्षकांची नेमणूक न  झाल्यास शाळेला कुलुपबंद करून बेमुदत उपोषण करण्याचा इशारा शाऴा व्यवस्थापन समितीचे अध्यक्ष सोनुसिंग टांक सह पालक जगतसिंग वधावन, ललितकुमार सोनी यांनी प्रशासनाला दिला आहे.

#aamchavidarbha #vidarbha #news #breakingnews #chandrapur #ballarpur #education #zpschool #RajuraAssemblyConstituency #statement #Teacher #students #TeluguSchool #Englishmediumschools #People'sRepresentative #Collector #EducationOfficer #betipadhaobetibachao #EducationManagementCommittee #schoolisonlockdown #Indefinitehungerstrike #Government'sneglectofbasicissueslikeeducation #wirurstation #rajura