राजुरा नियतक्षेत्रातून रेती तस्करी करणारे ट्रॅक्टर जप्त

राजुरा वन विभागाची कारवाई

आमचा विदर्भ - दीपक शर्मा द्वारे

राजुरा (दि. २७ ऑगस्ट २०२३) -

        राजुरा नियत वन परिक्षेत्राचे कक्ष क्रमांक १५६ मधून रेतीची ट्रॅक्टरने तस्करी करीत असताना गस्तीवर असणाऱ्या वन कर्मचाऱ्यांनी ट्रॅक्टर पकडून आरोपी विरुद्ध गुन्हा दाखल करून ट्रॅक्टर जप्त केले आहे. 

        रात्रीचे वेळीस राजुरा वनक्षेत्रात काही तस्कर रेतीची वाहतूक करीत असल्याची माहिती वन कर्मचाऱ्यांना मिळाली त्या अनुषंगाने वनकर्मचारी मार्गावर पाळत ठेवून होते. दरम्यान 25 अगस्त रोजी रात्री दोन वाजताच्या दरम्यान वन गस्त करीत असताना कक्ष क्रमांक 156 मधून रेती भरून वाहतूक करीत असलेले एक ट्रॅक्टर पकडण्यात वन कर्मचाऱ्यांना यश मिळाले. याप्रकरणी ट्रॅक्टर मालक राजुरा येथील सोनिया नगर वार्डातील सलमान गुलजार खान पठाण आणि ट्रॅक्टर चालक रमेश बोरकुटे, मजूर विलास बावणे, शंकर गोत्तावार, नरेश जांगमवार, इरफान पठाण यांचे विरुद्ध वन गुन्हा दाखल करून रेती भरलेला ट्रॅक्टर जप्त करण्यात आला आहे. मात्र वन कर्मचाऱ्यांकडून ट्रॅक्टर क्रमांक व ट्राली क्रमांक देण्यात आले नाही. 

        सदरची कारवाई वन परिक्षेत्र अधिकारी सुरेश येलकेवाड यांचे मार्गदर्शनात क्षेत्र सहायक प्रकाश मत्ते, वनरक्षक पवन मंदुलवार, एस.व्हीं. गज्जलवार, संदीप तोडासे, एम.ए. चापले, वनमजूर नरेश निखाडे, भाउराव लांडे यांनी केली पुढील तपास सुरू आहे. (rajura) (aamcha vidarbha)