रामबाग विकास व उपक्रम समितीकडून रामबागेत वृक्षारोपण

आमचा विदर्भ - दीपक शर्मा द्वारे

राजुरा (दि. २७ ऑगस्ट २०२३) -

        शहरातील रामबाग येथे रामबाग विकास व उपक्रम समिती रामनगर कॉलनी कडून दरवर्षीप्रमाणे ह्यावर्षीही वृक्षारोपण करण्यात आले. मागील अनेक वर्षांपासून रामबाग परीसरात वृक्षारोपण करुन त्यांचे संगोपन व संवर्धन करण्यात येत असते. याच माध्यमातून अनेक वृक्ष मोठे झाले असून रामबागेच्या सौंदर्यात भर पडत आहे. (rajura)

        रामबाग विकास व उपक्रम समिती रामनगर कॉलनी चे ज्येष्ठ सभासद तथा माजी नगराध्यक्ष अरूण धोटे (arun dhote) यांचे प्रमुख उपस्थितीत हे वृक्षारोपण पार पडले. प्रसंगी समितीचे अध्यक्ष किरण ढूमणे, सचिव किरण बरडे, सदस्य प्रा.डॉ. संजय गोरे, ॲड. प्रशांत अटाळकर, पत्रकार मंगेश बोरकुटे, सतीश कुचनकर, प्रवीण बुक्कावार, अशोक डोमडे, किशोर हिंगाणे, रामभाऊ पत्तीवार, ताजने सर, डॉ. अमृत गोरे, संतोष गटलेवार, संजय भोजेकर, सुहास बोबडे आदींची प्रामुख्याने उपस्थिती होती. समितीकडून नैसर्गिक संगोपणासाठी विविध उपक्रम राबविण्यात येत आहे. (aamcha vidarbha)