सास्ती-राजुरा मार्गावर भीषण अपघात - तीन ठार, दोन जखमी

अज्ञात वाहनाची दोन दुचाकीद्वारांना धडक

आमचा विदर्भ - दीपक शर्मा द्वारे

राजुरा (दि. १३ ऑगस्ट २०२३) -

        आज सायंकाळी ७.४५ वाजताच्या दरम्यान सास्ती - राजुरा मार्गावर भीषण अपघात झाला असून एका अज्ञात वाहनाने दोन दुचाकीस्वारांना धडक दिल्याने एका दुचाकीवरील पती-पत्नी व एक मुलं जागीच ठार तर थोड्या अंतरानंतर पुन्हा एका दुचाकीला धडक दिल्याने दोन व्यक्ती गंभीर जखमी झाल्याची दुर्दैवी घटना घडली. घटनास्थळी पोलीस दाखल झाले असून संतापलेल्या लोकांनी वाहतूक अडवून ठेवली आहे. (An unknown vehicle collided with two bikes)

        मिळालेल्या माहितीनुसार एका अज्ञात वाहनाने धोपटाला टाऊनशिप गेट जवळ एका दुचाकी वाहनाला धडक दिली त्यात दोन व्यक्ती गंभीर जखमी झाले. अज्ञात वाहनाने तिथून पळ काढला व थोड्या समोर जाऊन धोपटाला गावाजवळील जव्हेरी पेट्रोल पंपाजवळ पुन्हा एका दुचाकी ला जबर धडक दिली या धडकेत एक महिला, पुरुष व अंदाजे २-3 वर्षाची मुलगी जागीच ठार झाली. संतापलेल्या लोकांनी वाहतूक अडवून ठेवली असून घटनास्थळी पोलीस दाखल झाले आहे. समोरील तपास पोलीस करीत आहे. (rajura) (aamcha vidarbha)

(सविस्तर माहिती थोड्याच वेळात)