धानोली तांडा व चनई बु. येथील नवनिर्वाचित सरपंच व सदस्यांचा सत्कार

गावातील विकासासाठी सहकार्य करण्यासाठी प्रयत्न करणार - अँड संजय धोटे

धनराजसिंह शेखावत - आमचा विदर्भ प्रतिनिधी

कोरपना -

        तालुक्यातील अनेक ग्रामपंचायत वर भारतीय जनता पार्टी ने एकहाती सत्ता काबीज केली असून अनेक सरपंच व सदस्य निवडून आले आहे. नुकत्याच पार पडलेल्या निवडणुकीत धानोली तांडा व चनई बु. ग्रामपंचायत वर भारतीय जनता पार्टी समर्पित उमेदवार विजयी झाले असून त्यांचा सत्कार समारंभ उत्साहात संपन्न झाला.

        माजी आमदार अँड. संजय धोटे यांच्या पुढाकारातून धानोली तांडा व चनई बु. येथील नवनिर्वाचित ग्रामपंचायत सरपंच व सदस्य यांचा सत्कार राजुरा विधानसभा क्षेत्राचे माजी आमदार अँड. संजय धोटे यांच्या पुढाकारातून व त्यांच्या उपस्थिती सत्कार करण्यात आला. माजी आमदार अँड. संजय धोटे यांनी शाल व पुष्पहार देवुन सर्व सत्कारमूर्तीचा सत्कार केला व यावेळी बोलताना म्हणाले की, गावातील विकासासाठी आम्ही तुमच्या सोबत असून कोणतेही काम असल्यास पूर्ण सहकार्य करण्यात येईल असा विश्वास दिला. यावेळी भाजपा नेते निलेश ताजने, भाजपा आदिवासी नेते व माजी सरपंच अरुण मडावी, भाजपा शहर अध्यक्ष अनिल कवरासे, माजी सरपंच विजय रणदिवे, भाजयुमो जिल्हा उपाध्यक्ष तथा ग्रामपंचायत सदस्य ओम पवार, वामन खाडे संतोष माणूसमारे तसेच गावातील नागरिक उपस्थित होते.