राजुरा तालुक्यात अवैध रेती तस्करी जोमात

तालुका प्रशासन कोमात

विरेंद्र पुणेकर - आमचा विदर्भ प्रतिनिधी 

राजुरा -

        राजुरा तालुक्यात मोठय़ा प्रमाणात रेती तस्करीला ऊत आले असून तालुका प्रशासन गाढ झोपेत आहे की काय? असा प्रश्न तालुक्यातील जनतेपुढे निर्माण होत आहे. तालुक्यातील नदी नाल्यामधून रात्री मोठ्या प्रमाणात अवैध रेतीची तस्करी होत असून मात्र यावर कोणतीही कारवाही तर सोडाच या रेत माफियांच्या कृतीकडे कानाडोळा होत असल्याने तालुका प्रशासनाने बघ्याची भूमिका घेतली आहे कि काय असे सर्वत्र बोलल्या जात आहे. 

        तालुक्यातील वर्धा नदीच्या काठावरील विहीरगाव, नलफ़डी, धानोरा, चुनाळा येथून तर नाल्याने व्याप्त बामणवाडा, रामपूर, माथरा, धोपटाला, सास्ती, बाबापुर, पेल्लोरा, कढोली (बूज.), गोवरी, साखरी (वा.), चिंचोली (खु.), सुमठाना, आर्वी, भवानी माता मंदिर नाला, भडकाम मोहल्ला-देशपांडे वाडी मार्गे मोठ्या प्रमाणात रेती तस्करी सुरू आहे. वर्धा नदीच्या कढोली जवळ तर चक्क जेसीबी लावूनच उपसा करीत असल्याचे निर्शनास आले आहे. मात्र तालुका प्रशासन गाढ झोपेत आहे.

        तहसीलदारांसह स्थानिक तलाठ्यांचे दुर्लक्ष होत असल्याने रेती तस्करांचे चांगलेच फावत आहे. खुलेआम रात्री नदी-नाल्यातून रेती ट्रॅक्टरने वाहतूक होताना नागरिकांना दिसत असताना प्रशासनाला कसे दिसत नाही, असा प्रश्न निर्माण होत असलयाने अधिकारी-कर्मचारी व रेती तस्कर यांचे संगनमत आहे की काय? अशी चर्चाही होत आहे. 

        तालुक्यात रेतीच्या माध्यमाने असलेली देशाची संपत्ती देशोधडीला लावण्याचे काम रेती माफिया करीत आहे. त्यामुळे वरिष्ठांनी याकडे लक्ष देऊन रेती तस्करांवर कार्यवाही करण्याची मागणी होत आहे.

पुढल्या अंकात वाचा - 

भ्रष्ट्राचार - राजुरा तालुक्यात का द्यावे लागतात रजिस्ट्रीचे हजारो रुपये