काँग्रेसच्या आवारपुर, नांदा, बिबी ते गडचांदुर आझादी गौरव पदयात्रेला उत्स्फूर्त प्रतिसाद

काँग्रेसच्या आवारपुर, नांदा, बिबी ते गडचांदुर आझादी गौरव पदयात्रेला उत्स्फूर्त प्रतिसाद 

आमदार सुभाष धोटेंनी केली पदयात्रेतून जनजागृती

धनराजसिंह शेखावत -  प्रतिनिधी

गडचांदूर -

कोरपना तालुका कांग्रेस, नांदाफाटा शहर कांग्रेस, बिबी आणि गडचांदुर शहर काँग्रेसच्या वतीने लोकप्रिय आमदार सुभाष धोटे यांच्या नेतृत्वात स्वातंत्र्याच्या हीरक महोत्सव वर्षानिमित्त आवारपुर, नांदा फाटा, बिबी ते गड़चांदुर पर्यंत आजादी गौरव पदयात्रा काढण्यात आली. या पदयात्रेत नांदा फाटा, बिबी येथे सभा घेण्यात आली. या सभेत काँग्रेसने राष्ट्रीय काँग्रेसचा स्वातंत्र्य चळवळीतील संघर्ष, स्वातंत्र्य सैनिक, क्रांतिकारकांचे बलिदान, या ७५ वर्षात देशाच्या विकासात काँग्रेसचे योगदान इत्यादी अनेक विषयांवर जनजागृती केली. सोबतच आमदार सुभाष घोटे नी महागाई, बेरोजगारी, खाजगीकरण आणि शेतकऱ्यांची दुर्दशा सारख्या अनेक विषयवार बोलताना केंद्र सरकारच्या नीतीचा विरोध केला. या पदयात्रेत सभोवताल अनेक गावांतील स्थानिक नागरिकांनी उत्स्फूर्त स्वागत केले आणि उत्तम प्रतिसाद देत सहभाग घेतला.

या प्रसंगी नांदा फाटा व बिबी येथील कार्यमात काँग्रेस न. प. अध्यक्षा सौ. सविता टेकाम, नप गटनेते विक्रम येरने, काँग्रेसचे तालुकाध्यक्ष शैलेश लोखंडे, ज्येष्ठ नेते पापय्या पोन्नमवार, सचिन भोयर, श्यामसुंदर जी राउत, मुरलीधर बल्की, आनंदराव पावड़े, उमेश राजुरकर, आशी देरकर, अभय मुनोत, महेश राउत, हारून सिद्दीकी यासह मोठ्या संख्येने काँग्रेस पदाधिकारी, कार्यकर्ते आणि स्थानिक नागरिक उपस्थित होते.