प्रशासनाच्या निषेधार्थ मुंडण आंदोलन

• प्रशासनाच्या निषेधार्थ मुंडण आंदोलन 
• अन्नत्याग आंदोलनाचा चौथा दिवस
• नविन चंद्रपूर येथील मलनिस्सारण गटार योजनेच्या बांधकामातील भ्रष्टाचार विरोधात राजेश बेले यांचे जिल्हाधिकारी कार्यालया समोर आंदोलन

डी.एस. ख्वाजा - आमचा विदर्भ विशेष प्रतिनिधी

चंद्रपूर -

नविन चंद्रपूर परिसरातील ५३ कोटी २९ लाख २२ हजार रुपयांच्या मलनिस्सारण गटार वाहिनी व एसटीपी २४ एमएलडी व ८ एमएलडी या म्हाडा अंतर्गत कामात निकृष्ठ दर्जाची सामग्री वापरण्यात येत असल्यामुळे बांधकामात मोठ्या प्रमाणात भेगा पडल्या आहे. निकृष्ट कामावर पांघरुन घालण्यासाठी भेगा असलेल्या बांधकामाला रंग लावून लिपापोती केली आहे. भ्रष्टाचारात सहभागी असल्याने म्हाडाचे अधिकारी निकृष्ट कामाची पाठराखण करीत आहे. यामुळे संबंधित अधिकाऱ्यांची चौकशी करण्यात यावी या मागणीसाठी संजिवनी पर्यावरण सामाजिक संस्थेचे अध्यक्ष राजेश बेले ६ जुनपासून जिल्हाधिकारी कार्यालय समोर अन्नत्याग आंदोलन सुरू केले आहे. चार दिवसांपासून सुरू असलेल्या आंदोलनाकडे दुर्लक्ष करणाऱ्या जिल्हा प्रशासनाच्या निषेधार्थ आज मुंडण आंदोलन करण्यात आले. यावेळी विकास गवई, दिपक गुरनूले, अशोक पोहेकर, हरेकृष्ण ठाकूर यांनी मुंडण केले. आंदोलनात राजेश बेले, सरिता मालू,सोनल धोपटे, शाहिद शेख, प्रविण चवरे, संदिप तोडसाम उपस्थित होते.

संपूर्ण मलनिस्सारण गटार वाहिनी व एसटीपी बांधकामाची तिसऱ्या पक्ष (थर्ड पार्टी) कडून उच्चस्तरीय चौकशी करण्यात यावी आदी मागण्यासाठी ६ जुन पासून जिल्हाधिकारी कार्यालयासमोर संजिवनी पर्यावरण सामाजिक संस्थेचे संस्थापक अध्यक्ष राजेश बेले यांनी अन्नत्याग आंदोलन सुरू केले आहे. आज प्रशासनाच्या निषेधार्थ मुंडण आंदोलन करण्यात आले. जोपर्यंत मागण्या मान्य होत नाही तो पर्यंत अन्नत्याग जनआंदोलन सुरु राहील असा इशारा बेले यांनी प्रशासनाला दिला आहे.