उपजिल्हा रुग्णालयात 34 रक्तदात्यांचे रक्तदान

• उपजिल्हा रुग्णालयात 34 रक्तदात्यांचे रक्तदान
• अधिक्षक लहू कुळमेथे यांनी रक्तदान करून केले शिबिराचे उद्घाटन

आमचा विदर्भ - ब्युरो रिपोर्ट्स

राजुरा -

सध्या जिल्ह्यात रक्ताची कमतरता असून जिल्ह्यात रुग्णांच्या रक्ताची गरज पूर्ण करण्यासाठी आज दिनांक 23 मे ला राजुरा उपजिल्हा रुग्णालयात रक्तदान शिबिराचे आयोजन करण्यात आले. या शिबिराचे उद्घाटन राजुरा उपजिल्हा रुग्णालयाचे वैद्यकिय अधिक्षक डॉ. लहू कुळमेथे यांनी फित कापून आणि रक्तदान करून केले. उन्हाळा असतानाही 34 दात्यांनी रक्तदान केले. यावेळी वैद्यकिय अधिकारी डॉ. अशोक जाधव, डॉ. अनिता आरके - कुळमेथे, डॉ. इर्शाद शेख उपस्थित होते.

उपजिल्हा रुग्णालयात झालेल्या या रक्तदान शिबिरात रुग्णालयाचे कर्मचारी आणि नागरिक यांनी रक्तदान केले. या रक्तदात्यांत डॉ. यादव, किशोर रामटेके, साक्षी झंवर, वर्षा झंवर, पंकज झंवर, हिवराज नेवारे, रामचंद्र पवार, सोने, कांबळी, पंढरी आकनुरवार, योगेश चहारे, सुनील चाफले, मधुकर बोबडे, संजय तूडकेल, संतोष मादसवार, राजकुमार आकापाका यांचा समावेश आहे.

चंद्रपूर जिल्हा सामान्य रुग्णालयातील रक्तपेढीतील आणि राजुरा येथील प्रयोगशाळा तंत्रज्ञ शुभम कांबळे, चंद्रकांत नेवलकर, रुपेश डहाळे, रश्मी बोरकर, पल्लवी पवार, शुभांगी पुरटकर यांनी रक्तदान शिबिरात मोलाचे सहकार्य केले.