आमचा विदर्भ - ब्युरो रिपोर्ट्स
राजुरा -
मेन रोडवरील स्नेहदीप गारमेंट्स या रेडिमेड कापड दुकानाला बुधवारी मध्यरात्री अचानक आग लागली. या आगीत मोठ्या प्रमाणावर कपडे जळून खाक झाले. हे नुकसान ४० ते ४५ लाखाच्या घरात असल्याचा प्राथमिक अंदाज आहे. शहरातील मुख्य बाजारातील मेन रोड वर राकेश नामेवार यांच्या स्नेहदीप गारमेंट्स या रेडिमेड दुकानाला मध्यरात्री शॉर्टसर्किटमुळे अचानक आग लागली. दुकानातून आगीचे लोळ बाहेर पडत असल्याची बाब आजुबाजूच्या काही नागरिकांच्या लक्षात येताच त्यांनी तातडीने दुकानाचे मालक राकेश नामेवार, पोलीस व नप अग्निशमन दलाला आगीसंदर्भात माहिती दिली. राजुरा व बल्लारपूर येथील अग्निशमन दलाने आगीवर नियंत्रण मिळविले. पहाटे पर्यंत आग विझविण्याचे प्रयत्न सुरू होते. त्यानंतर आग आटोक्यात आली. या आगीत रेडिमेड कपड्यांसह दुकानातील पूर्ण फर्निचरही जळून भस्मसात झाले.
वीज पुरवठा खंडीत
दुकानाला लागलेल्या आगीनंतर वीज वितरण कंपनीला शहरातील वीज पुरवठा बंद करावा लागला. त्यामुळे वीज पुरवठा सुरू होईस्तोवर नागरिकांना उकाड्यामुळे घराबाहेर येऊन थांबावे लागले.
खुप वाईट घटना. आधीच कोरोनामुळे व्यापार नाही, आता हे अश्या घटनेमुळे व्यापारी हवालदील होईल.
उत्तर द्याहटवा