मोबाईल वरून बोलत असताना तिसऱ्या मजल्यावरून पडून युवकाचा मृत्यू

• मोबाईल वरून बोलत असताना तिसऱ्या मजल्यावरून पडून युवकाचा मृत्यू
• मोबाईल फोनवर संभाषण करताना सावधानता बाळगा! गडचांदूर पोलिसांचे आवाहन

धनराजसिंह शेखावत - आमचा विदर्भ प्रतिनिधी

गडचांदूर -

नांदा फाटा येथील प्रभाग क्रमांक पाच मध्ये असलेल्या गडचांदूर निवासी अंजू सेठ यांच्या इमारतीमध्ये किरायाने राहात असलेले मूळ मुक्काम बल्लारपूर येथील जोगदंड बबलू मेश्राम वय 35 वर्ष हे 5 अप्रैल ला साडे आठ ते रात्री अकरा ते बारा च्या सुमारास फोनवरून तिसऱ्या मजल्यावर बोलत असताना अचानक त्यांचा तोल गेला व जागीच त्यांचा मृत्यू झाला. मृतक अल्ट्राटेक सिमेंट कंपनी मध्ये ऑरेंज सिटी या कंत्राटदाराकडे सुपरवायझर म्हणून काम करीत होता. त्याच्या पश्चात त्यांची पत्नी व 6 वर्षाची मुलगी असा परिवार असून अकस्मात त्यांच्या जाण्याने परिसरात हळहळ व्यक्त केल्या जात आहे.  घटनेची माहिती गडचांदूर चे थानेदार सत्यजित आमले यांना होताच त्यांनी घटनास्थळ गाठून पंचनामा केला.