सास्ती कोळसा खाणीत अपघात पाच कामगार जखमी

• सास्ती कोळसा खाणीत अपघात
• पाच कामगार जखमी

आमचा विदर्भ  - ब्युरो रिपोर्ट्स

राजुरा - 

वेकोलीच्या सास्ती ओपनकाष्ट कोळसा खाणीत आज दिनांक 8 एप्रिल ला दुपारी एक ट्रक पलटी होऊन त्यात पाच कामगार जखमी झाले. यापैकी चार कामगारांना नागपुर येथे उपचारासाठी पाठविण्यात आले आहे.

दुपारी दोनच्या दरम्यान ड्रिल विभागाचा ट्रक चार कामगारांना ड्रिल मशीनचे काम करण्यासाठी कोळसा खाणीत घेऊन जात असताना वळणावर ट्रक उलटला आणि चारही चाके वर झाली. अपघाताची माहिती मिळताच तातडीने जखमी कामगार निलेश हटवार, अरुण मांढरे, नूर खान, तिलक संभोज आणि चालक रामदास पेटकर यांना क्षेत्रीय दवाखान्यात भरती करण्यात आले. मात्र काही कामगारांची स्थिती बघता चालक व्यतिरिक्त इतर चार कामगारांना नागपुर येथे पुढील उपचारासाठी पाठविण्यात आले आहे. मात्र चारही कामगारांची स्थिती गंभीर नाही, असे वैद्यकिय अधिकाऱ्यांनी सांगितले.