कोळशाने भरलेल्या ट्रक ने घेतला पेट

• कोळशाने भरलेल्या ट्रक ने घेतला पेट
• धानोरा-गडचांदूर मार्गावरील घटना

धनराजसिंह शेखावत - आमचा विदर्भ प्रतिनिधी

गडचांदूर -

धानोरा गडचांदूर मार्गावरील भोयगाव जवळ आज शनिवार दि. 9 एप्रिल रोजी पहाटे 5 वाजताच्या सुमारास कोळसा भरलेला ट्रक क्र. एमएच 40 बीजी 8090 ने अचानक पेट घेतला.

हा 12 चक्का ट्रक पोवनी 2 साखरी कोळसा खाणीतून 27 टन कोळसा भरून धरिवाल कंपनीत जात असतांना ट्रकचा टायर पंचर झाल्याने चालकाने ट्रक रात्री दरम्यान रस्त्यावर उभा केला. पहाटे दरम्यान अचानक आग लागल्याचे चालक दिलीप बंडी रा. बल्लारशाह यांना दिसले.

याबद्दल माहिती मिळताच भोयगावचे पोलीस पाटील यांनी हि माहिती गडचांदूर पोलिस स्टेशनचे ठाणेदार सत्यजित आमले यांना दिली त्यांनी पोलिसांना घटनास्थळी पाठविले पो. हवा. चरनदास मडावी, प्रभू मिमीलवाड, संदीप थेरे यांनी घटनास्थळ गाठले व दोन अग्निशमन दलाचे वाहन बोलाविले पाण्याचा मारा करून 10 वाजताच्या सुमारास आग आटोक्यात आली. पोलिसांनी पंचनामा केला असून पुढील पोलीस तपास करीत आहे.

सचिन मेहरोलीया रा. बल्लारपूर यांचा मालकीचा हा ट्रक असून लाखो रुपयाचे नुकसान झाले आहे. सध्या तीव्र उन्हाळा असल्याने कोळसा खाणीत कोळसा जळत असतो तो कोळसा भरून ट्रक जातो. भरलेल्या कोळश्या मुळे आग लागल्याचा प्राथमिक अंदाज व्यक्त केला जात आहे.