- जिप प्राथमिक शाळा बैलमपूर येथे राबविण्यात आला कॅच द रेन उपक्रम
- पाण्याचे महत्त्व पटवून देत पाण्याचा सदुपयोग कसा करावा याबाबत दिली माहिती
- गावातील भिंतीवर लावण्यात आले जनजागृती करणारे भित्तीपत्रक
धनराजसिंह शेखावत - आमचा विदर्भ प्रतिनिधी
गडचांदूर -
जिल्हा परिषद उच्च प्राथमिक शाळा, बैलमपूर येथे नेहरू युवा केंद्र च्या वतीने कॅच द रेन हा उपक्रम राबविण्यात आला. याप्रसंगी मुख्याध्यापक खामानकर, पवार, चव्हाण, शिंदे मॅडम, जिभकाटे मॅडम, नेहरू युवा केंद्रच्या प्रतिनिधी शुभांगी रत्नपारखी प्रामुख्याने उपस्थित होत्या. यावेळी विद्यार्थ्यांना पाण्याचे महत्त्व पटवून दिले व पाण्याचा सदुपयोग कसा करावा याबाबत माहिती दिली. तसेच गावात जनजागृती करणारे भित्तीपत्रके भिंतीवर लावण्यात आली.
कॅच द रेन या विषयावर विद्यार्थ्यांसाठी चित्रकला स्पर्धा आयोजित करण्यात आली होती. या स्पर्धेत प्रथम क्रमांक पूजा सिडाम, द्वितीय क्रमांक संवेदना शंभरकर, तर तृतीय क्रमांक रजनी तेलतुंबडे यांनी पटकाविला. विजेत्या स्पर्धकांना पारितोषिके व प्रमाणपत्र शुभांगी रत्नपारखी यांच्या हस्ते वितरित करण्यात आले. कार्यक्रमात शिक्षक, विद्यार्थी, गावकरी सहभागी झाले होते.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.