ट्रकने मारली कट ! टाटा इंट्राने घेतल्या दोन पलट्या

• ट्रकने मारली कट ! टाटा इंट्राने घेतल्या दोन पलट्या
• राजुरा-गडचांदूर मार्गावर आर्वी टर्निंग जवळील घटना
• नशीब बलवत्तर ..... तिघे बचावले......

आमचा विदर्भ - ब्युरो रिपोर्ट्स

राजुरा -

राजुरा येथून गडचांदूरकडे भरधाव वेगाने निघालेल्या एका ट्रकने राजुरा-गडचांदूर मार्गावर आर्वी टर्निंग जवळ विरुद्ध दिशेने येणाऱ्या टाटा इंट्रा ला कट मारल्याने टाटा इंट्राने दोन पलट्या घेत परत गडचांदूरच्या दिशेने तोंड करत चाकावर उभी झाली. कट मारत ट्रक थोड्या समोर जात नाल्यात गेला. टाटा इंट्रा मध्ये तिघांचे नशीब बलवत्तर होते म्हणून त्यांचे प्राण वाचले. सदर घटना आज सकाळी 9.30 वाजताच्या दरम्यान घडली. 

मिळालेल्या माहितीनुसार टाटा इंट्रा क्रमांक MH 34 BG 8905 चालक योगेश आत्राम रा. पांढरपौनी हे टाटा इंट्रा चे मालक आनंद तावाडे व त्यांच्या पत्नी पामिता तावाडे रा. आर्वी यांना घेऊन राजुरा कडे येत होते. राजुरा कडून गडचांदूरच्या दिशेने भरधाव वेगात निघालेल्या ट्रक क्रमांक MH 35 AJ 5772 ने आर्वी टर्निंग जवळील दर्गाह जवळ टाटा इंट्रा ला कट मारली. कट मुळे टाटा इंट्रा चे नियंत्रण सुटले व टाटा इंट्रा ने दोन पलटी मारत गडचांदूरच्या दिशेने तोंड करत पुन्हा चाकावर उभी झाली. गाडीत असलेल्या तिघांचे नशीब बलवत्तर होते म्हणून तिघांचे प्राण वाचले मात्र तिघांना किरकोळ दुखापद झाली. ट्रक कट मारत थोडं समोर जात नाल्यात घुसला तिथून ट्रक चालकाने पळ काढला. ट्रक मागून येणाऱ्या काही वाहनचालकांनी सांगितले कि ट्रक चालक भरधाव वेगाने बेजबाबदार पणे ट्रक चालवत होता. पोलीस ट्रक चालकाचा शोध घेत आहे.

अपघातास निमंत्रण देत आहे राजुरा-गडचांदूर मार्ग

राजुरा-गडचांदूर मार्गावर अपघातांचे प्रमाण वाढले असून पोलिसांनी याकडे विशेष लक्ष द्यावे अशी मागणी नागरिकांनी केली आहे. याच मार्गावर पांढरपौनी गावालगत असलेल्या आर्यन कोल वॉशरीज चा काळ्याकुट्ट धुळा मुळे दि. 16 मार्चच्या रात्री 9 वाजताच्या दरम्यान चुनाळा येथील नितीन सुरेश पिंपळशेंडे हा युवक आपल्या मोटार सायकल ने येत असताना अज्ञात वाहनाचा धडकेत मृत्यु झाला होता. या मार्गावरील पांढरपौनी गावालगत असलेल्या कोल वॉशरीज चा काळ्याकुट्ट धुळामुळे वाहनचालकांना भयंकर त्रास सहन करावा लागत आहे. वाहनचालकांसोबतच इतरही लोकांनी याबाबत तक्रार केली होती. जवळपास एक महिन्याआधी काही सुशिक्षित युवकांनी महाराष्ट्र शासनाच्या प्रदूषण नियंत्रण मंडळाकडे ऑनलाईन रीतसर तक्रार करूनही याकडे दुर्लक्ष होत असल्याने संताप व्यक्त करण्यात येत आहे.