जिल्ह्यात 25 गांडूळखत प्रकल्प

• जिल्ह्यात 25 गांडूळखत प्रकल्प
• जिप कृषी सभापती सुनील उरकुडे यांनी जिल्ह्यात राबविला नाविन्यपूर्ण उपक्रम

विरेंद्र पुणेकर - आमचा विदर्भ प्रतिनिधी

राजुरा -

चंद्रपूर जिल्ह्यात जिप कृषी व पशुसंवर्धन सभापती सुनील उरकुडे यांनी पदाचा भार संभाळल्यानंतर शेतकऱ्यांसाठी अनेक नाविन्यपूर्ण उपक्रम राबविण्याचा प्रयत्न केलेत. मागील अडीच वर्षांपासून अधिक काळात कोविड 19 मूळे नवीन लेखशीर्षावर निधीची तरतूद करता आली नसल्याने काही उपक्रम राबविता आले नसले तरी त्यांच्या अथक प्रयत्नांनी गांडूळ खत निर्मिती प्रकल्पाकरिता 25 लक्ष निधीची तरतूद करण्यात भाग पाडले. या उपक्रमातून जिल्ह्यातील शेतकऱ्यांना सेंद्रिय शेती करिता या प्रकल्पाचा नक्कीच लाभ होणार असल्याचा विश्वास व्यक्त करण्यात येत आहे.