पिंपळगाव येथे दोन दिवसीय शिवजयंती महोत्सव साजरा

• पिंपळगाव येथे दोन दिवसीय शिवजयंती महोत्सव साजरा

धनराजसिंह शेखावत - आमचा विदर्भ प्रतिनिधी

गडचांदूर -

संघर्ष युवा मंच, जिजाऊ सखी मंच तथा समस्त ग्रामवासी पिंपळगाव यांच्या संयुक्त विद्द्यमाने दोन दिवसयीय शिवजन्मोत्सव सोहळा साजरा करण्यात आला. कार्यक्रमाचे अध्यक्ष तंटामुक्ती समितीचे अध्यक्ष राजकुमार पानघाटे, विशेष उपस्थिती पोलीस पाटील प्रशांत नागपुरे, कार्यक्रमाचे अध्यक्ष अंबुजा फाउंडेशनचे अधिकारी कुंभारे हे प्रामुख्याने उपस्थित होते.

यावेळी गावातील महिला प्रवर्गासाठी विविध स्पर्धेचे आयोजन करण्यात आले होते. आयोजनात गावातील महिला मोठा प्रमाणात सहभागी झाल्या. सायंकाळी प्रा. दिलिप चौधरी यांचे शिवचरित्र वर जाहिर व्याख्यान झाले. १९ फ्रेब्रुवारी ला दुपारी ३ वाजता भव्य शोभायात्रा काढण्यात आली आणि रात्री सांस्कृतीक स्पर्धा घेण्यात आली. स्पर्धेचे परीक्षक शिवाजी मालेकर, जिप शाळेचे शिक्षक गुणवंत खोब्रागडे हे होते. 

मागील तीन वर्षापासुन पिंपळगाव येथे छत्रपती शिवाजी महाराज यांची जयंती साजरी करण्यात येत आहे. गावातील तरुण-तरुणी व गावातील नागरिक यांच्या उपस्थितीत संघर्ष युवा मंच तथा जिजाऊ सखी मंच याच्या सहभागातुन शिवजयंती मोठ्या उत्सवात पार पडली.