मानिकगड रेल्वे स्टेशनवर विद्युत सुरक्षा सप्ताहानिमित्त जनजागृती कार्यक्रम

विविध विभागातील कर्मचाऱ्यांनी घेतला कार्यक्रमाचा लाभ

आमचा विदर्भ - दीपक शर्मा

राजुरा : (दि. १५ मे २०२६) -

        मानिकगड रेल्वे स्टेशन येथे विद्युत सुरक्षा सप्ताहानिमित्त विशेष जनजागृती कार्यक्रमाचे आयोजन करण्यात आले. मंडल सहाय्यक मंडल विद्युत अभियंता बेलगवली यांच्या मार्गदर्शनाखाली हा कार्यक्रम पार पडला. या कार्यक्रमात मानिकगड रेल्वे स्टेशनवर कार्यरत विविध विभागातील कर्मचाऱ्यांना रेल्वे विद्युत विभागाच्या कार्यपद्धती, विद्युत उपकरणांचा सुरक्षित वापर तसेच विद्युत सुरक्षेबाबत आवश्यक खबरदारी याविषयी सविस्तर माहिती देण्यात आली. कार्यक्रमात मंडल सहाय्यक अभियंता बेलगवली तसेच वरिष्ठ अनुभाग अभियंता (विद्युत) मानिकगड यांनी उपस्थित कर्मचाऱ्यांना मार्गदर्शन केले. रेल्वे परिसरात काम करताना विद्युत सुरक्षेच्या नियमांचे काटेकोर पालन करणे अत्यंत आवश्यक असल्याचे त्यांनी सांगितले.

        विद्युत अपघात टाळण्यासाठी सतर्कता, सुरक्षित अंतर राखणे, विद्युत उपकरणांची योग्य हाताळणी आणि आपत्कालीन परिस्थितीत घ्यावयाच्या उपाययोजनांबाबत कर्मचाऱ्यांना माहिती देण्यात आली. कार्यक्रमादरम्यान कर्मचाऱ्यांनी विविध प्रश्न विचारून मार्गदर्शनाचा लाभ घेतला. विद्युत सुरक्षा सप्ताहाच्या माध्यमातून रेल्वे कर्मचाऱ्यांमध्ये सुरक्षिततेबाबत जागरूकता निर्माण करण्याचा प्रयत्न करण्यात आला.

#मानिकगड #Manikgarh #RailwayNews #RailwaySafety #ElectricalSafety #विद्युत_सुरक्षा_सप्ताह #RailwayEmployees #IndianRailways #RajuraNews #ChandrapurNews #SafetyAwareness #RailwayDepartment #ElectricalAwareness #MaharashtraNews #RailwayStation #ElectricalEngineering #PublicSafety #RailwayUpdate #SafetyFirst #ManikgarhRailwayStation #chandrapurnews #chandrapurcity #chandrapur #aamchavidarbha #vidarbha