राजुरात एकाच रात्री तीन दुकाने फोडली

राजुरात एकाच रात्री तीन दुकाने फोडली

विरेंद्र पुणेकर - आमचा विदर्भ प्रतिनिधी

राजुरा -

शहरातील आसिफाबाद महामार्गावरील अज्ञात चोरटयांनी कर्नल चौकातील वैष्णवी ऑटोमोबाईल्स, करण फिटनेस व नागराज पान सेंटर अशी तीन दुकाने फोडल्याची घटना घडली आहे. अज्ञात चोरटयांनी दुकानांचे शटर व काउंटरचे लॉक तोडून रोकड व वस्तू चोरी केल्या मात्र किती रक्कम व काय वस्तू चोरी झाली याची माहिती मात्र मिळू शकली नाही.

मागील दोन दिवसापासून ढगाळ वातावरण व पावसाने वातावरणात गारावा निर्माण झाल्याने रात्री लवकरच रस्ते सुनसान होत आहेत. नेमक्या याच स्थितीचा फायदा चोरांनी उचलला असावा. यापूर्वीही गडचांदूर मार्गावरील रेकलवार यांच्या वॉलकंपाउंडला असलेले मोठे लोखंडी गेटच अज्ञात चोरांनी उपडून नेले होते आता पुन्हा तीन दुकाने फोडल्याने व्यापारीवर्गात व परिसरातील नागरिकांमध्ये भीतीचे वातावरण निर्माण झाले आहे. वारांवर होणाऱ्या चोऱ्यां पोलीस विभागाला आवाहन देत आहे. चोरांचा वेळीच मुसक्या आवळा अशी मागणी नागरिकांनी केली आहे.