बाधितांचा आकडा पाचशेच्या वरच

• बाधितांचा आकडा पाचशेच्या वरच
• 178 कोरोनामुक्त, 529 बाधित
• ॲक्टीव्ह रुग्णांची संख्या 3926

शशी ठक्कर - आमचा विदर्भ प्रतिनिधी

चंद्रपूर -

दि. 24 जानेवारी : कोरोनाबाधितांच्या रुग्णसंख्येत लगातार वाढ होत आहे. जिल्ह्यात गत 24 तासात 178 जणांनी कोरोनावर मात केली असून त्या रुग्णांना रुग्णालयातून सुटी देण्यात आली. तसेच 529 नवीन रुग्ण बाधीत झाले आहे. जिल्ह्यात सोमवारी मृत्यू संख्या शून्य आहे. Chandrapur आरोग्य विभागाकडून प्राप्त अहवालानुसार, बाधित आलेल्या रुग्णांमध्ये चंद्रपूर महानगरपालिका क्षेत्रात 238, चंद्रपूर 68, बल्लारपूर 35, भद्रावती 30, ब्रह्मपुरी 17, नागभीड 19, सिंदेवाही 1, मुल 13, सावली 19, पोंभूर्णा 2, गोंडपिपरी 5, राजुरा 15, चिमूर 8, वरोरा 45,कोरपना 13, तर जिवती येथे 1 रुग्ण आढळून आले असून व इतर ठिकाणी बाधित रुग्णांची संख्या शून्य आहे. 

जिल्ह्यात आतापर्यंत एकूण बाधितांची संख्या 94 हजार 836 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 89 हजार 362 झाली आहे. सध्या 3926 बाधितांवर उपचार सुरू आहेत. आतापर्यंत 8 लाख 34 हजार 570 नमुन्यांची तपासणी करण्यात आली असून त्यापैकी 7 लाख 38 हजार 568 नमुने निगेटीव्ह आले आहेत. जिल्ह्यात आतापर्यंत 1548 बाधितांचे मृत्यु झाले आहे.

प्रशासनाचे आवाहन : नागरिकांनी कोरोना पुर्णपणे संपला या मानसिकतेतून बाहेर यावे आणि मास्कचा वापर, वारंवार हात धुणे व सुरक्षीत अंतर राखणे या त्रीसुत्रीचा नियमित वापर करावा, स्वत:ची काळजी घ्यावी तसेच पात्र सर्व नागरिकांनी जवळच्या केंद्रावरून कोरोनाची लस घ्यावी, व प्रशासनाने दिलेल्या सूचनांचे पालन करावे, असे आवाहन जिल्हाधिकारी अजय गुल्हाने यांनी केले आहे.