१० आयोजक आणि ३ नृत्यांगना पोलिसांच्या रडारवर अश्लील 'न्यूड डान्स' प्रकरणी मोठी कारवाई

• १० आयोजक आणि ३ नृत्यांगना पोलिसांच्या रडारवर
• अश्लील 'न्यूड डान्स' प्रकरणी मोठी कारवाई

आमचा विदर्भ - ब्यूरी रिपोर्ट्स

नागपूर -

उमरेड पोलीस स्टेशनअंतर्गत येणाऱ्या ब्राह्मणीतील 'न्यूड डान्स' प्रकरणात विशेष तपास पथकाने (एसआयटी) आणखी सात जणांना अटक केली. या प्रकरणात अटकेतील आरोपींची संख्या आता दहा झाली आहे.

यापूर्वी पोलिसांनी चंद्रशेखर ऊर्फ लाला प्रभूजी मांढरे वय ३५, सूरज निळकंठ नागपुरे वय २८, अनिल दमके वय ४८, श्रीकृष्ण चाचरकर वय ३५, बाळू नागपुरे वय ४०, अरुण नागपुरे वय ३७, हेमंत नागपुरे वय ३१, नंदू रामदास मांढरे वय २९, सर्व रा. ब्राह्मणी, बेताब बाबाजी सरोज वय २५, रा. दिघोरी, अरशद अफजल खान वय २६, रा. छोटा ताजबाग अशी अटकेतील आरोपींची नावे आहेत. पोलिसांनी आधी चंद्रशेखर, सूरज व अनिलला अटक केली होती.

ब्राह्मणीमध्ये शंकरपटाच्या आयोजनानंतर रात्री मंडपात नागपुरातील अॅलेक्स डान्स शोच्या महिला कलाकारांचा अश्लील नृत्याचा कार्यक्रम होत होता. त्याचा व्हिडीओ सोशल मीडियावर व्हायरला झाला. या प्रकाराची गंभीर दखल घेत पोलीस अधीक्षक विजयकुमार मगर यांनी नागपूर विभागाच्या उपविभागीय पोलिस अधिकारी पूजा गायकवाड यांच्या नेतृत्वात एसआयटीची स्थापना केली. एसआयटीच्या पथकाने शनिवारी रात्रभर आरोपींची धरपकड करून दहा जणांना अटक केली. सर्वांना पोलिसांनी रविवारी न्यायालयात हजर केले. न्यायालयाने त्यांची एक दिवसासाठी पोलीस कोठडीत रवानगी केली.

तीन नृत्यांगनाही गजाआड

अश्लील नृत्य करणाऱ्या नृत्यांगनाही एसआयटीच्या रडारवर असून, पथकाने तिघींना गजाआड केले आहे. एक नृत्यांगना बेलतरोडी, दुसरी मानेवाड्यातील तर तिसरी यशोधरानगरमधील रहिवासी आहे.