कोयला श्रमिक सभा बल्लारपूर विभागाच्या कार्याध्यक्षपदी बबन उरकुडे यांची निवड

• राष्ट्रीय कार्यकारणी समिती नागपूरचे अध्यक्ष शिवकुमार यादव यांच्या मार्गदर्शनात नियुक्ती

आमचा विदर्भ - ब्युरो रिपोर्ट्स

राजुरा -

राजुरा विधानसभा शिवसेनेचे युवानेतृत्व बबन नारायण उरकुडे यांची कोयला श्रमिक सभा संलग्न हिंद मजदूर सभेच्या बल्लारपूर विभागाच्या कार्याध्यक्ष पदी निवड करण्यात आली.

को.श्र.स.चे राष्ट्रीय कार्यकारणी समिती नागपूरचे अध्यक्ष शिवकुमार यादव मार्गदर्शनात तर जेनरल सेक्रेटरी फ्रांसिस दारा व ट्रेजरर दीपक जयस्वाल यांच्या उपस्थितीत ही नियुक्ती करण्यात आली. बबन उरकुडे गेल्या 15 वर्षांपासून राजुरा तालुक्यात शिवसेनेच्या माध्यमातून सामाजिक आणि राजकीय क्षेत्रात कार्य अतिशय मोलाचे असून, बल्लारपूर विभागातील प्रकल्पधारकांसाठी ते नेहमी रस्त्यावर उतरून लढाई लढत आहे.

वेकोली कर्मचारी, तंटामुक्ती अध्यक्ष, शिवसेनेचे तालुका प्रमुख, उपजिल्हा प्रमुख आता विधानसभा समन्वयक म्हणून ते राजकीय क्षेत्रात काम करत आहे याच अनुषंगाने कोयला क्षेत्रातील राष्ट्रीय पातळीवरील एका मोठ्या कामगार संघटनेच्या विभागीय कार्याध्यक्ष पदी झालेली ही नियुक्ती कोयला क्षेत्राच्या विकासासाठी महत्वाची ठरेल असे चित्र आहे. प्रकल्पग्रस्त शेतकरी कामगार आणि परिसरातील सर्व समस्यांसाठी लढत राहील असे मनोगत बबन उरकुडे यांनी व्यक्त केले. याप्रसंगी राजुरा तालुका शिवसेनेचे समन्वक प्रदीप येनूरकर, युवासेना तालुका प्रमुख बंटी मालेकर, उपतालुका प्रमुख रमेश झाडे आदी उपस्थित होते.