धोपटाला ग्रापं कार्यालय जवळ दुचाकी आणि मोटारसायकलची धडक

• धोपटाला ग्रापं कार्यालय जवळ दुचाकी आणि मोटारसायकलची धडक
• महिलेसह दोघांना किरकोळ दुखापत

विरेंद्र पुणेकर - आमचा विदर्भ प्रतिनिधी

राजुरा -

धोपटाळा ग्रामपंचायत कार्यालयाजवळ राजुरा सास्ती मार्गावर खोल खड्डे पडल्याने गुरुवारी दुपारी १२ वाजता मोटारसायकल आणि मोपेडची धडक झाली. या घटनेत एका महिलेसह दोघेजण किरकोळ जखमी झाले आहेत. सुदैवाने कोणतीही मोठी घटना घडली नाही. राजुरा-कवठाळा मार्गावर दुचाकीवरून पडून महिलेचा मृत्यू नुकताच झाला होता. तालुक्यात पुन्हा एका घटनेत एक मुलगा आईला बाईकवर घेऊन तेलंगणाला जात असताना अचानक खड्ड्यात पडल्याने त्याचा आईचा मृत्यू झाला होता. असे असतानाही रस्त्यावरील खड्यांची डागडुजी कडे संबंधित विभाग लक्ष देत नसल्याने नागरिकांत रोष निर्माण होत आहे. 

या मार्गावर खोल खड्डे पडल्याने नुकतीच एक महिला शिक्षिका सास्ती कॉलनीच्या प्रवेशद्वाराजवळ दुचाकीवरून पडली. आता तर रस्त्याकडे पाहून रस्त्यावर खड्डे आहेत की खड्ड्यात रस्ते आहेत हे सांगणे कठीण होत आहे. या मार्गावरून वेकोलिमध्ये कार्यरत शेकडो कामगार, कर्मचारी, अधिकारी, व्यापारी, शाळा महाविद्यालयातील मुले-मुली व कोळसा भरलेले ट्रक, दुचाकी व चारचाकी वाहनांची ये-जा सुरू असते. धोपटाळा ग्रामपंचायत कार्यालयातील सदस्यही या मार्गावरून जातात. अनेक महिन्यांपासून या रस्त्याची दुरुस्ती झालेली नाही. त्यामुळे छोटे-मोठे अपघात होतच असतात. 

18 नोव्हेंबर रोजी दुपारी 12 च्या सुमारास राजुराहून सास्तीकडे जाणारा मोटारसायकलस्वार त्या खड्ड्यात पडला. सुदैवाने त्यावेळी एकही जड वाहन मागून येत नसल्यामुळे मोठा अपघात होता होता वाचला अन्यथा मोठी घटना घडू शकली असती. गुरुवारच्या घटनेत महिलेसह दोघांनाही किरकोळ दुखापत झाली होती, मात्र दुखापत झालेल्यांची नांवे व वाहन क्रमांक मात्र मिळू शकले नाही.