ओबीसी व्ही.जे.एन.टी. करिता नवीन वसतिगृह सह सर्व वसतिगृह तत्काळ सुरू होणार - विजय वडेट्टीवार

• आनंदराव अंगलवार यांचे नेतृत्वात पदाधिकाऱ्यांच्या शिष्टमंडळाने दिले निवेदन

आमचा विदर्भ - ब्युरो रिपोर्ट्स 

चंद्रपूर -

अखिल भारतीय विमुक्त जाती भटक्या जमाती वेलफेअर संघ दिल्ली महाराष्ट्र जिल्हा शाखा चंद्रपूर द्वारे विमुक्त जाती भटक्या जमाती व ओबीसी समाजाचे विद्यार्थ्यांना शैक्षणिक सोयी सुविधा उपलब्ध करुन देण्यासाठी नवीन 72 वसतिगृह मंजूर करून व राज्यातील कोरोना सदृश वातावरण संपले असल्याने राज्यातील सर्वच वसतिगृह तत्काळ सुरू करून मागासवर्गीय विद्यार्थ्यांच्या शैक्षणिक नुकसान थांबिविण्यासाठी तत्काळ वसतिगृह सुरू करावे अश्या आशयाचे निवेदन महाराष्ट्र राज्याचे बहुजन विकास मंत्री तथा जिल्ह्याचे पालकमंत्री विजय वडेट्टीवार यांना आनंदराव अंगलवार यांचे नेतृत्वात व इतर पदाधिकाऱ्यांचे एक शिष्टमंडळ नियोजन भवन जिल्हाधिकारी कार्यालय चंद्रपूर परिसर येथे भेट घेऊन निवेदन देऊन चर्चा केले असता मंत्री महोदयांनी विषय समजून घेऊन याबाबत सर्व आराखडा व निधी मंजूर करून घेतलेले असून लवकरच कार्यान्वित होणार व कोरोनामुळे बंद पडलेले सर्व वसतिगृह दिवाळी नंतर सुरू करण्यास संबधित विभागाला तत्काळ सूचना करणार असे आश्वासित केले. तसेच लवकरच सर्व वसतिगृह सुरू होणार असल्याचे सांगितले. याप्रसंगी आनंदराव अंगलवार सह सतीश मालेकर, ए.ए. डहाक, चंद्रशेखर कोटेवार, विजय पोहनकर व बहुसंख्येने पदाधिकारी उपस्थित होते.