प्रसारमाध्यमात प्रसिद्ध होण्याचा असाही प्रयत्न ; मुली पटत नाही म्हणून एका तरुणाने चक्क थेट आमदारांना लिहिले पत्र

• प्रसारमाध्यमात प्रसिद्ध होण्याचा असाही प्रयत्न
• मुली पटत नाही म्हणून एका तरुणाने चक्क थेट आमदारांना लिहिले पत्र
• बघा आमदार साहेबांनी काय दिल्या प्रतिक्रिया

धनराजसिंह शेखावत - आमचा विदर्भ प्रतिनिधी

गडचांदूर -

मुली पटत नाही, भाव देत नाही म्हणून एका तरुणाने थेट आमदारांना पत्र लिहिले आहे. माझ्यावर घोर अन्याय होत असून मला हे असह्य होत आहे, असे म्हणत या तरुणाने आमदारांनाच पुढाकार घेऊन काहीतरी करावे अशी मागणी केली आहे. तरुणाचे हे पत्र सोशल मीडियावर तुफान व्हायरल होत आहे.

चंद्रपूर येथील तरुण भूषण जामुवंत राठोड नावाच्या तरुणाने राजूरा विधानसभा क्षेत्रातील आमदारांना एक पत्र लिहिले आहे. संपूर्ण तालुक्यात भरभरुन मुली असून मला एकही गर्लफ्रेंड नसल्याने चिंतेची बाब आहे, असे म्हटले आहे. तसेच यामुळे माझा आत्मविश्वास खचला असल्याचेही त्याने म्हटले.

मी खेड्यापाड्यातील रहिवासी असून राजुरा-गडचांदूर येथे येत असतो. परंतु मला मुली भाव देत नाहीत, पटत नाहीत. दारु पिणाऱ्याला गर्लफ्रेंड असते, हे बघून माझा जीव जळून राख होतो. आमदारांनी विधानसभा क्षेत्रातील युवतींना प्रोत्साहन द्यावे आणि आमच्यासारख्यांना भाव देण्यास सांगावे, अशी मागणी या तरुणाने या पत्रात केली आहे. 

सोशलमिडिआत हे पत्र वायरल झाल्यानंतर अनेक लोकांनी आपल्या प्रतिक्रिया व्यक्त केल्या. एकाने प्रसारमाध्यमात प्रसिद्ध होण्याचा हा प्रयत्न तर नाही ना अशी असाही टोलाही लगावला. हे पत्र अजूनही आमदार साहेबांना मिळाले नसून मात्र आमदारांनी यावर आपली प्रतिक्रिया कळविली आहे. काय म्हणाले आमदार साहेब बघा व्हिडीओ