पिताच्या डोळ्यासमोर तरुण मुलाचा पाण्यात बुडून मृत्यू ; उपरवाही येथील घटना - गावात शोककळा

धनराजसिंह शेखावत - आमचा विदर्भ प्रतिनिधी

गडचांदूर -

उपरवाही अंबुजा सिमेंटला लागून असलेल्या उपरवाही येथील शेतकर्याच्या तरुण मुलाचा शेतात फवारणी साठी शेतालगतच्या नाल्यातुन बैलबंडीने पाणी नेत असताना बैलगाडी पाण्यात पलटी झाल्यामुळे पाण्यात बुडून मृत्यू झाला. 

मिळालेल्या माहितीनुसार उपरवाही येथील शेतकरी किसन मटाले व त्यांच्या मुलगा पवन मटाले हे रविवार दि. 12 सप्टें. ला सकाळी 10 वाजताच्या सुमारास शेतात फवारणी साठी बैलगाडी वर ड्रम घेऊन नाल्यावर पाणी भरण्यासाठी गेले होते. खोल पाण्यात गड्डा असल्यामुळे बैलगाडी  सुलार होऊन खोल पाण्यात बुडाली व बाप लेक दोघेही पाण्यात पडले. वडील किसन मटाले पोहून बाहेर निघाला पण मुलगा बुडुन मरण पावला. पवन किसन मटाले वय १७, रा. उपरवाही असे मृत तरुणाचे नाव आहे. बातमीमिळताच राजुरा पोलीसांनी मृतकला पोस्ट-मारटम करीता राजुराला पाठवले आहे. पिताच्या डोळ्यासमोर आपल्यातरुण मुलाचं मृत्यू झाल्याने पूर्ण गावात हळहळ व्यक्त केले जात आहे. पुढील तपास राजुरा पोलीस करीत आहे.