105 व्या वाढदिवस साजरा केला

Aamacha Vidarbha

Link Author आमचा विदर्भ न्यूजचे संस्थापक संपादक दीपक शर्मा हे २००८ पासून पत्रकारिता क्षेत्रात कार्यरत असून त्यांनी विविध दैनिके आणि वृत्त माध्यमांमध्ये काम करताना सामाजिक, शैक्षणिक, कामगार, ग्रामीण आणि जनसामान्यांच्या प्रश्नांवर सातत्याने लेखणी चालविली आहे. वर्ष २०१५ पासून त्यांनी डिजिटल पत्रकारितेच्या माध्यमातून वेगवान, तटस्थ आणि जनहिताच्या बातम्या जनतेपर्यंत पोहोचविण्याचे कार्य सुरू ठेवले आहे. सामाजिक माध्यमे आणि ऑनलाइन न्यूज प्लॅटफॉर्मच्या माध्यमातून त्यांनी अनेक स्थानिक प्रश्न प्रशासनापर्यंत पोहोचविले आहेत. त्यांच्या पत्रकारितेचा केंद्रबिंदू नेहमीच सर्वसामान्य नागरिक, शेतकरी, कामगार, विद्यार्थी आणि ग्रामीण भागातील समस्या राहिल्या आहेत. शिक्षण, आरोग्य, पर्यावरण, सामाजिक न्याय आणि प्रशासनातील त्रुटींवर त्यांनी सातत्याने वृत्तांकन केले आहे. पत्रकारिता ही केवळ बातमी देण्याचे माध्यम नसून समाजातील सत्य परिस्थिती लोकांसमोर आणण्याची जबाबदारी आहे, या भूमिकेतून त्यांचे कार्य अविरत सुरू आहे. निष्पक्ष, जनजागृतीपर आणि समाजाभिमुख पत्रकारितेमुळे त्यांची ओळख निर्माण झाली आहे.

Title: 105 व्या वाढदिवस साजरा केला
Author: Aamacha Vidarbha
Rating 5 of 5 Des:

जिवंतपणीच आई-वडिलांची सेवा करण्याचा संदेश आमचा विदर्भ - ब्युरो रिपोर्ट्स राजुरा - दिनांक 14 सप्टेंबर 2021 ला निंबाळा येथील जेष्ठ नागरिक धोंड...

जिवंतपणीच आई-वडिलांची सेवा करण्याचा संदेश

आमचा विदर्भ - ब्युरो रिपोर्ट्स

राजुरा -

दिनांक 14 सप्टेंबर 2021 ला निंबाळा येथील जेष्ठ नागरिक धोंडू पाटील मोटघरे यांच्या 105 व्या वाढदिवसानिमित्त ग्रामपंचायत कळमनाचे सरपंच तथा काँग्रेसचे ओबीसी विभाग ग्रामीण जिल्हाध्यक्ष नंदकिशोर वाढई यांनी शाल, श्रीफळ देऊन सत्कार केला आणि त्यांच्या सुदृढ दिर्घ आयुष्यासाठी शुभेच्छा दिल्या. मोटघरे परिवाराने म्हाताऱ्या वडिलांचा वाढदिवस उत्साहात साजरा करुन त्यांना शेवटच्या श्वासापर्यंत आनंदी ठेवण्याचा व त्यांची सेवा करण्याचा संकल्प केला. त्यांच्या संकल्प व सेवेबद्दल गावातील समस्त नागरिकांनी त्यांचा हा आदर्श घ्यावा आणि जिवंतपणीच आई-वडिलांची सेवा करावी, माणुसकीचे दर्शन घडवावे असे आवाहन सरपंच नंदकिशोर वाढई यांनी उपस्थितांना मार्गदर्शन करताना केले.

या प्रसंगी तंटामुक्ती समिती अध्यक्ष महादेव पाटील ताजने, मधुकर पाटील मोटघरे, भिवसन पाटील मोटघरे, जनार्दन पाटील मोटघरे, महादेव पाटील मेश्राम, ग्रा. प. सदस्य दीपक झाडे, अमोल उरकुडे, मधुकर पेंडोर, भास्कर पिंपळकर यासह समस्त गावकरी मित्र परिवार उपस्थित होते.