प्राथमिक आरोग्य केंद्राला कपाट भेट

विरेंद्र पुणेकर - आमचा विदर्भ प्रतिनिधी

राजुरा -

कोरोनाच्या पार्श्वभूमीवर संपुर्ण आरोग्य व्यवस्था कोलमडली असतांना आवश्यक असलेल्या वस्तूंची पूर्तता तात्काळ होत नाही आहेत हे पाहत कढोली (बु) ग्रामपंचायत चे नवनिर्वाचित सरपंच राकेश हिंगाणे यांना कन्यारत्न प्राप्त झाले तो आनंद द्विगुणित करण्याकरिता १५ ऑगस्ट स्वतंत्र दिनाचे औचित्य साधून प्राथमिक आरोग्य केंद्र कढोली (बु) कार्यालयाला औषधी व कागदपत्र ठेवण्याकरिता कपाट व दिवाल घडी भेट देण्यात आली. आरोग्यकेंद्रा करीता आपल्या कडून छोटीशी भेट देऊन आरोग्य केंद्रला सहकार्य केले. यावेळी वैद्यकीय अधिकारी डॉ. विपीन कुमार ओदेला यांनी आभार व्यक्त केले. भेट स्वीकारतांना प्राथमिक आरोग्य केंद्राचे डॉ. सोनकुसरे, डॉ. गोरे, परिचारीका, सहायक कर्मचारी प्रकाश दशरथ हिंगाणे, प्रकाश तुळशीराम हिंगाणे उपस्थित होते. समोर कुठल्याही प्रकारे मदतीची आवश्यकता पडल्यास मी पुन्हा धाऊन येईल असे आश्वासन राकेश जी हिंगाणे यांनी दिले.