- बस सुरू करण्याची विद्यार्थी व पालकांची मागणी
यवतमाळ -
नेर-सारंगपुर-कापसी-बोरगाव-यवतमाळ - परत नेर बसच्या विविध ठिकाणी जाणाऱ्या बसच्या फेऱ्या नेर आगाराने लाॅकडाऊन काळामध्ये बंद केल्या होत्या. परंतु आज लाॅकडाऊन खुले करण्यात आले असूनही या मार्गी जाणारी बस अजुनही बंदच आहे त्यामुळे प्रवाशांची व विद्यार्थांची मोठ्या प्रमाणात गैरसोय होत आहे. नेर आगाराच्या तालुक्यात व इतर मार्गे जाणाऱ्या बसेस गेल्या अनेक दिवसांपासून सुरू आहेत. परंतु या मार्गालाच दुजाभाव का असा सवाल या मार्गाच्या गावातील नागरिक करित आहे. वर्ग 8 ते 12 पर्यंतच्या शाळा गेल्या काही दिवसांपासून सुरू झाल्या आहेत आणि या मार्गावरील अनेक गावातील विद्यार्थी नेर येथे शाळेत आहेत. बस सुरू नसल्याने त्यांना शाळेत जाण्यास मोठी गैरसोय होत आहे. खाजगी वाहनाने जाण्याचे झाल्यास अव्वाच्या सव्वा भाडे घेतले जाते ते भाडे विद्यार्थ्यांना व प्रवाशांना न परवडणारे आहे. तेव्हा या विषयी नेर आगाराने व वरिष्ठांनी याची दखल घेऊन या मार्गाने बस सूरू करावी अशी मागणी विद्यार्थी व नागरिक करित आहे.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.