"बाळू" चे लोकसहभागातून कुपोषणमुक्तीचे कार्य समाजाला प्रेरणा देणारे - स्वरूपा झंवर

• बाळूच्या माध्यमातून इनर व्हील क्लब राजुरा कडून ८ कुपोषित बालकांना पोषण आहाराची भेट
• इनर व्हील क्लब राजुराच्या सदस्यांनी बाळू सदस्यांना बांधिली राखी

आमचा विदर्भ - ब्युरो रिपोर्ट्स

राजुरा -

कुपोषणाचा प्रश्न गंभीर आहे. राज्यापुढील आवाहनांपैकी हेही एक आवाहन आहे. या आवाहनावर मात करण्यासाठी शासन सर्वोतोपरी प्रयत्न करीत आहे पण आपणही समाजाचे काहीतरी देणे लागतो याकरिता सर्वांनी कुपोषणमुक्तीच्या चळवळीत सहभाग घ्यावा, जिल्ह्यात "बाळू" चे लोकसहभागातून कुपोषणमुक्तीचे कार्य समाजाला प्रेरणा देणारे आहे असे प्रतिपादन इनर व्हील क्लब राजुराच्या अध्यक्षा स्वरूपा झंवर यांनी केले. 

रक्षाबंधनाच्या पर्वावर स्थानिक पंचायत समिती कार्यालयातील हॉल मध्ये आज बाळूच्या माध्यमातून इनर व्हील क्लब राजुरा कडून राजुरा तालुक्यातील विविध ८ कुपोषित बालकांना वर्षभर पुरेल इतकी पोषण आहाराची भेट देण्यात आली. यावेळी स्वरूपा झंवर यांनी कुपोषणमुक्ती साठी बाळूच्या प्रयत्नांचे कौतुक करत  कुपोषणमुक्तीसाठी आम्हा महिलांचाही सहभाग लागावा याकरिता ही भेट देत असल्याचे सांगितले. रक्षाबंधनाच्या पर्वाचे औचित्य साधत इनर व्हील क्लब राजुराच्या महिला सदस्यांनी बाळूच्या सदस्यांना राखी बांधून कुपोषण मुक्तीच्या कार्यात बहीण म्हणुन संपुर्ण सहकार्याचे आश्वासन दिले.

यावेळी  इनर व्हील क्लब राजुराच्या अध्यक्ष स्वरूपा झंवर, सचिव शुभांगी वाटेकर, उपाध्यक्ष वृषाली बोनगिरवार, माजी अध्यक्ष कल्याणी गुंडावार, राधा धनपावडे, राधा विमलवार, आसावरी बोनगिरवार, स्मिता बोनगिरवार, कल्याणी मोहरील, नेहा चिल्लावार, कृतिका सोनटक्के, पंस बालविकास प्रकल्प अधिकारी वैशाली सटाले, बाळूचे संस्थापक अध्यक्ष व पंस विस्तार अधिकारी अमित महाजनवार, दिपक शर्मा, सागर भटपल्लीवार, अमोल ताठे, अक्षय सुर्तेकर उपस्थित होते.