वीज कोसळल्याने 21 जनावरांचा जागीच मृत्यू

• अमलनाला जवळील ग्राम मनोली ची घटना
• पाण्यातून आतापर्यंत एकूण 21 जनावरे काढण्यात आली
• अंदाजे 8 ते 10 लाखांचे झाले नुकसान
• पशुपालकांना तातडीने नुकसान भरपाई देण्याची वामन तुराणकर यांनी केली मागणी

धनराजसिंह शेखावत - आमचा विदर्भ प्रतिनिधी

गडचांदूर -

अमलनाला जवळील ग्राम मानोली येथील पशुपालकांचे मोठे आर्थिक नुकसान झाले आहे. वीज पडल्यामुळे 21 जनावरांचा जागीच मृत्यू झाल्याची घटना 7 जुलै च्या दुपारी 3.30 वाजता च्या सुमारास घडली. 

अमलनाला बांधच्या मागे लागून असलेल्या मानोली येथील शेतकऱ्यांची जवळपास 70 ते 80 जनावरे अमलनाला लगतच्या परिसरात चारा चरण्यासाठी आल्या होत्या. दुपारी 3.30 वाजता च्या सुमारास जनावरे तलावाकाठी पाणी पेत असताना अचानक पाण्यात वीज कोसळली. त्यामुळे पाणी पीत असलेल्या 21 जनावरांचा जागीच पाण्यात पडल्यामुळे बुडून मृत्यु झाला. त्यात सर्वाधिक गायी होत्या. घटनेची मिळताच शेतातील जवळ असलेले शेतकरी आणि गावातील लोकं जमा झाले. त्यांच्या सहायाने मृत झालेल्या गायींना बाहेर काढण्यात आले. माहिती मिळताच तेथील तलाठी घटनास्थळी पोहचून पंचनामा केला. एकूण 21 जनावरे पाण्यातून बाहेर काढण्यात आली होती. मानकु कुळमेथे यांचा एक गोरा, जंगू कुळमेथे यांचा एक गोरा, नानाजी उदे यांची एक गाय, जंगू उदे यांची एक गाय, बालाजी बोढे यांची दोन गाय, भाऊराव उदे यांची एक गाय, अमोल खरवडे यांची एक गाय,  साधू कोंडेकर यांची एक गाय, मारू मेश्राम यांची एक गाय, मधुकर वाडगुरे यांची एक गाय, श्रावण निकोडे यांचा एक गोरा, अमर मोहुर्ले यांची एक गाय एक गोरा, प्रकाश चटप यांची एक गाय एक गोरा, संतोष वसाके यांचा एक गोरा, नीलकंठ आत्राम यांची एक गाय, विजय कोडापे यांची एक गाय, वसंता गुरुनुले यांचा एक गोरा, नत्थू निकोडे यांचा एक गोरा मृत पावले. शासनाने मृत झालेल्या जनावरांच्या पशुपालकांना तातडीने नुकसान भरपाई देण्याची मागणी वामन तुराणकर, मानोली येथील रहिवासी आणि जिल्हा परिषद सदस्य नानाजी आडे आणि गावातील लोकांनी प्रशासनाला व जिप पशुसंवर्धन सभापती सुनील उरकुडे यांनी केली आहे.

बातम्या अधिक आहेत.....

कोरोना काळात सेवा देणाऱ्या डॉक्टरांची राजकीय आक्सापोटी हेतुपुरस्पर बदनामी ⭕ प्रसारमाध्यमांकरिता लावून दिलेल्या स्वनियमांच्या प्रसारमाध्यमांनाच पडलाय विसर