- टिकटॉक स्टार अटकेत
नागपूर -
प्रेमाच्या जाळ्यात ओढून टिकटॉक स्टारने अल्पवयीन विद्यार्थिनीचे शारीरिक शोषण केल्याचीही धक्कादायक माहिती तपासादरम्यान समोर आली आहे. याप्रकरणात पोलिसांनी टिकटॉक स्टार व त्याच्या साथीदाराला अटक केली आहे. पोलिसांनी दोघांनाही न्यायालयात हजर केले. न्यायालयाने त्यांची पोलिस कोठडीत रवानगी केली.
समीर खान सलीम खान (वय १९, रा. बंगाली पंजा) व त्याचा साथीदार मोहम्मद सादिक मोहम्मद सिद्दीकी शाह (वय २५, रा. एनआयटी क्वॉर्टर, संजीवन कॉलनी) अशी अटकेतील आरोपींची नावे आहेत. शाह हा प्रॉपर्टी डिलिंगचे काम करतो. दोन वर्षांपूर्वी विद्यार्थिनी किरणची (नाव बदलले) एका मैत्रिणीच्या माध्यमातून समीरसोबत ओळख झाली. दोघांत प्रेमसंबंध निर्माण झाले. त्यानंतर दोघेही टिकटॉवर व्हिडीओ अपलोड करायला लागले. वर्षभरापूर्वी समीरने किरणला लग्नाचे आमिष दाखविले. तिच्यावर अत्याचार केला. त्यानंतर कन्हान कांद्री परिसरातील लॉजमध्येही त्याने किरणचे दोन ते तीन वेळा शारीरिक शोषण केले. दरम्यान, त्याला किरणच्या मोबाइलमध्ये तरुणांचे मोबाइल क्रमांक दिसले. तसेच वाढदिवसाच्या पार्टीत ती एका तरुणासोबत अधिक बोलली. किरणचे अन्य युवकासोबत प्रेमसंबंध असल्याचा संशय समीरला आला. त्याने शाहच्या मदतीने तिचे अपहरण केले. त्याचे चित्रीकरण करून ते टिकटॉकवर अपलोड केले. किरणला विटाभट्टी चौकात नेऊन तो तिला ठार मारणार होता. परंतु, सुदैवाने किरण बचावली. दरम्यान, या चित्रीकरणाची माहिती गुन्हेशाखा पोलिसांना मिळाली. गुन्हेशाखेचे अतिरिक्त पोलिस आयुक्त सुनील फुलारी, उपायुक्त गजानन राजमाने यांच्या मार्गदर्शनाखाली युनिट तीनच्या पथकाने समीर व त्याच्या साथीदाराला अटक केली. दोघांविरुद्ध अत्याचार, अपहरणासह विविध कलमान्वये गुन्हा दाखल करण्यात आला आहे.
बातम्या अधिक आहेत.....
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.