कुष्ठांतेयांनी सुरू केले स्वयंरोजगार

• आर्थिक स्वावलंबन व स्वयंपूर्णतेकडे कुष्ठांतेयांची वाटचाल

धनराज कोहळे - आमचा विदर्भ प्रतिनिधी

सावली -

प्रदीर्घ काळापासून समुदायातील असंख्य कुष्ठांतेयासोबत प्रत्यक्ष-अप्रत्यक्ष दुर्व्यवहार होत आहे. त्यातून निर्माण होणारे प्रश्न व विविध समस्यां मुळे  कुष्ठांतेय व त्यांचे कुटुंबांतील सदस्यांना असंख्य यातना व आव्हानांचा सामना करीत हलाखीचे जीवन जगावे लागते असे चित्र सर्वत्र दिसते. मात्र याविपरीत परिस्थिती चंद्रपूर व गडचिरोली जिल्ह्यातील आठ तालुक्यांत पाहायला मिळते आहे. काही कुष्ठांतेयांनी स्वतः स्वयंरोजगार सुरू केले आहे आणि आर्थिक स्वावलंबनाकडे कुष्ठांतेयांनी वाटचाल सुरू केली आहे. स्वतः सक्षम बनून स्वतःच्या समस्यांचे निराकरण करण्याचा कुष्ठांतेयांनी चांगल्याप्रकारे प्रयत्न करीत आहे. अशा सक्षम कुष्ठांतेयांनी एकत्र व संघटीत प्रयत्नातून समुदायातील कुष्ठांतेयांचे सक्षमीकरण करण्याचे लक्ष्य निश्चित केले आहे. त्यासाठी  कुष्ठांतेयांनी अलर्ट इंडिया मुंबई च्या मार्गदर्शनाने सक्षम कुष्ठांतेय स्वाभिमानी संस्था या  सामाजिक  संस्थेच्या वतीने गेल्या वर्षांपासून सासाकावा हेल्थ फाऊंडेशन, जापान च्या सहकार्याने २८ कुष्ठांतेयांना स्वयं रोजगार उभारण्याचे मार्गदर्शन व मदत केली  आहे. संस्थेने दिलेल्या आर्थिक सहयोगाने कुष्ठांतेयांनी छोटे-छोटे व्यवसाय सुरू केले असून ते स्वतःचा आधार बनले आहे. या स्वयं रोजगारी/स्वयं उद्यमी कुष्ठांतेयांचा आदर्श आता इतर कुष्ठांतेय  घेऊ लागले आहे. याशिवाय स्वतःची काळजी ते चांगल्याप्रकारे घेत आहेत. अर्थात हे गेल्या काही वर्षात अवलंबण्यात आलेल्या मानवाधिकाराधिष्ठीत दृष्टीकोन बाळगून कुष्ठांतेयांचे सक्षमीकरण प्रक्रियेच्या प्रभावी अंमलबजावणी मुळे शक्य झाले आहे.

बातम्या अधिक आहेत....

⭕ त्या पाणी टाकी बांधकामाची चौकशी होणार ⭕ जिल्हाधिकाऱ्यांनी दिले आदेश, त्रिसदस्यीय चौकशी समिती गठीत ⭕ विरोधी नगरसेवकांच्या तक्रारीची दखल