सराफा असोसिएशनची बैठक संपन्न - नवीन कार्यकारिणी घोषित भरत शिंदे अध्यक्ष तर सचिवपदी विजय चांडक

शशी ठक्कर - आमचा विदर्भ प्रतिनिधी
चंद्रपूर -
आज 20 जून रोजी चंद्रपूर सराफा असोसिएशन ची बैठक  स्थानिक रूचिदा हॉटेल मध्ये संपन्न झाली. या बैठकीत BSI हॉलमार्किंग या विषयावर विस्तृत चर्चा करण्यात आली. BSI हॉलमार्किंग काय याबद्दल संपूर्ण माहिती राजेंद्र लोढा यांनी दिली. सराफा व्यावसायिकांना येणाऱ्या संभावित अडचणीबाबत सुद्धा बैठकीत सविस्तर चर्चा करण्यात आली. यामध्ये उपस्थित सदस्यांमधून निवडणुकीद्वारे नवीन कार्यकारिणी घोषित करण्यात आली यात जिल्हाध्यक्षपदी राजेंद्रजी लोढा यांची नियुक्ती करण्यात आली. तसेच या सभेमध्ये चंद्रपूर शहराची कार्यकारीणी घोषित करण्यात आली यात अध्यक्ष - भरत शिंदे, उपाध्यक्ष - ओम सोनी, सचिव - विजय चांडक, सहसचिव - आशु सागोळे, कोषाध्यक्ष - रोशन कोठारी, सल्लागार समिती - सत्यम सोनी, राजेंद्र लोढा, कार्यकारिणी सदस्य - भिवराज कुकरा (सोनी), संजय सराफ, नितेश लोढीया, प्रमोद लूनावत, मनोज डोमाडे, विनय जैन यांची सर्वसंमतीने नियुक्ती करण्यात आली.  

बैठकीत चंद्रपूर शहरातील बहुसंख्य सराफा व्यापारी उपस्थित होते. कार्यक्रमाचे अध्यक्षपद सुभाष शिंदे तर प्रमुख पाहुणे म्हणून प्रमोद लुनावत होते. माजी अध्यक्ष सत्यम सोनी यांचे मार्गदर्शनात हि बैठक पार पडली. संचालन राजेंद्र लोढा यांनी तर आभार विजय चांडक यांनी केले.