- गावकरी पिण्याच्या पाण्यापासून वंचित
राजुरा -
राजुरा तालुक्यातील कळमना ग्राम पंचायत अंतर्गत निंबाळा येथील पाणी पुरवठा योजनेचा विद्युत पुरवठा खंडित केल्यामुळे गावकऱ्यांना पाणी पुरवठा होऊ शकला नाही. पाणी पुरवठा न झाल्याने पाण्यासाठी नागरिकांना नाहक त्रास सहन करावा लागत असल्यामुळे महावितरण सोबतच आघाडी सरकारच्या कार्यप्रणालीबद्दल आता ग्रामीण भागात असंतोष निर्माण होत आहे.
विद्युत विभागाचे थकीत बिल न भरल्यामुळे महावितरणने गावाचा विद्युत पुरवठा २९ जून ला खंडित केला. निंबाळा गट ग्राम पंचायतीचा कारभार कळमना ग्रामपंचायती मार्फत चालतो. महावितरणने थकीत बिलाचा रकमेचा भरणेसंबंधी वारंवार सूचना देऊनही थकीत बिल भरण्यास असमर्थ ठरल्यामुळे वीज पुरवठा खंडित करण्यात आला. त्यामुळे आज गावात पाणी पुरवठा होऊ शकला नाही. पाणी पुरवठा न झाल्याने नागरिकांनी महावितरण सोबतच आघाडी सरकारच्या कार्यप्रणालीबद्दल संताप व्यक्त केला. व्यवसाय कामधंदे कोमजलेले असताना एकीकडे कोरोना आणि दुसरीकडे महावितरणची सक्तीची वीज बिल वसुली यामुळे नागरिकांसोबतच आता अन्य विभागांना सुद्धा नाहक त्रास सहन करावा लागत आहे.
बातम्या अधिक आहेत....
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.