चंद्रपूर -
चंद्रपूर तालुक्याचे भाजपा किसान मोर्चाचे तालुका अध्यक्षांनी कीटकनाशक प्राशन करून आत्महत्या केल्याची धक्कादायक घटना आज ३० जून रोजी समोर आली. राजेश रामकृष्ण ताजने वय ५२ असे मृतकाचे नाव आहे.
घुग्घूस पासून जवळच असलेल्या उसगाव येथील ते रहिवाशी होते. आज ३० जून रोजी राजेश ताजने यांनी आपल्या स्वतःच्या राहत्या घरी पहाटे ४ वाजताच्या दरम्यान विषारी द्रव्य प्राशन केले. सदर घटना लक्षात येताच त्यांना चंद्रपूर येथील रुग्णालयात उपचारासाठी भरती करण्यात आले परंतु उपचारा दरम्यान त्यांचा मृत्यू झाला.
त्यांचा मृतदेह दुपारी उसगाव येथे आणण्यात आला व अंत्यविधी करण्यात आला. ते भाजपाच्या राजकारणात सक्रिय होते. ते भाजपा किसान मोर्चाचे तालुका अध्यक्ष होते मात्र आत्महत्येचे कारण कळू शकले नाही.
बातम्या अधिक आहेत....
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.