- नागरिकांमध्ये भीतीचं वातावरण
- घटनेविरोधात गुन्हा दाखल करून पोलीस तपास सुरू
रक्षक पाटील - आमचा विदर्भ प्रतिनिधी
राज्य परिवहन महामंडळातून सेवानिवृत्त झालेले कर्मचारी सुभाष चव्हाण रा. प्रभात नगर हे आपल्या दुचाकीने मंगळवारी दुपारी बँकेत पैसे भरण्यासाठी जात होते. यावेळी समोरुन अचानक आलेल्या एका व्यक्तीने त्यांना रस्त्यात अडवले. मी सीआयडी अधिकारी आहे, तुम्ही इतके सोने घालुन कोठे जाताय. काढा ते मी सुरक्षित ठेवतो असे सांगत चव्हाण यांच्या गळ्यात असलेली १५ ग्रॅम सोन्याची चेन काढुन मागितली.
यानंतर लगेच ती सोन्याची चैन घेऊन तो तोतया व्यक्ती पसार झाला. आपली सोन्याची चेन लंपास झाली असल्याचे लक्षात येताच सुभाष चव्हाण यांनी तातडीने अवधुतवाडी पोलिसांना फोन करून त्याची माहिती दिली. त्यावरून अवधुतवाडी पोलिसांनी तातडीने घटनास्थळ गाठले. त्यानंतर चोरट्याचा शोध घेण्यात आला मात्र, चोरटा आढळून आला नाही. अखेर याप्रकरणी अवधूत वाडी पोलिसांनी अज्ञात चोरट्या विरुद्ध गुन्हा दाखल केला असून पुढील तपास सुरू आहे.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.