साखरी येथे लसीकरण केंद्र मंजूर

• नागरिकांसाठी  झाले सुकर
• अँड.प्रशांत घरोटे यांच्या पाठपुराव्याला यश

अनिल गंपावार - आमचा विदर्भ तालुका प्रतिनिधी

राजुरा -

भाजपा तालुका महामंत्री इंजि. अँड.प्रशांत घरोटे यांच्या पुढाकाराने कोरोना लसीकरण केंद्र मंजूर झाले असून यामुळे नागरिकांची लसीकरणासाठी गावातच  सोय झाली आहे. या लसीकरण केंद्रात साखरी व परिसरातील गावातील नागरिकांनी लसीकरण करून घ्यावे असे आवाहन भाजपा तालुका महामंत्री इंजि.अँड.प्रशांत घरोटे यांनी केले आहे.  

कोरोनाच्या दुसऱ्या लाटेत सदर गावात सुद्धा बाधितांनसोबतच मृत्यू संख्याही वाढली होती. माजी केंद्रीय गृह राज्यमंत्री हंसराज अहिर यांच्या कढोली प्राथमिक आरोग्य केंद्र येथील भेटीदरम्यान साखरी गावात कोरोना मृत्यू संख्या जास्त असल्याबाबत व गावाकडे विशेष लक्ष देण्याबाबत सूचना देण्यात आल्या होत्या. याच दरम्यान साखरी येथे लसीकरणाची सोय नसल्याने नागरिकांना गोवरी किंवा कढोली येथे जावे लागत होते. तद्वतच प्रशांत घरोटे यांनी आरोग्य अधिकारी यांच्या समक्ष साखरी येथे लसीकरण केंद्र उपलब्ध करून देण्याची मागणी करण्यात आली होती. माजी केंद्रीय गृह राज्यमंत्री हंसराज अहिर यांनी साखरी येथे लसीकरण केंद्र मंजूर करून देण्याचा सूचना दिल्या होत्या, त्यानुसार वैद्यकीय अधिकारी यांनी साखरी येथे लसीकरण केंद्र मंजूर करत असल्याबाबत आश्वस्त केले. दि. ३ जून पासून लस उपलब्ध करीत असल्याच्या सूचना संवर्ग विकास अधिकारी व कढोली प्राथमिक आरोग्य अधिकाऱ्यांकडून प्राप्त झालेल्या आहेत. लसीकरण केंद्र मंजूर झाल्याबद्दल अँड.प्रशांत घरोट यांनी माजी केंद्रीय मंत्री हंसराज अहीर, वैद्यकीय अधिकारी व प्रशासनाचे आभार मानले आहे. 

स्थानिक, विदर्भ, महाराष्ट्र, देश, विदेशातील बातम्या, ताज्या घडामोडी व उपयुक्त माहितीसाठी आम्हाला आताच फॉलोव करा, आमचा विदर्भ फेसबुक पेजला लाईक करा.