जगन्नाथ पुरी येथे भारतीय मजदूर संघाचे 21 वे अखिल भारतीय अधिवेशन संपन्न

लक्ष्मा रेड्डी कोल उद्योग प्रभारी, सुधीर घुरडे सह प्रभारी नियुक्त

आमचा विदर्भ - दीपक शर्मा

चंद्रपूर (दि. 10 फेब्रुवारी 2026) -

        भारतीय मजदूर संघाचा 21 वा अखिल भारतीय त्रैवार्षिक अधिवेशन 6, 7 आणि 8 फेब्रुवारी 2026 रोजी ओडिशा राज्यातील जगन्नाथ पुरी येथे यशस्वीपणे पार पडला. देशभरातील विविध उद्योग क्षेत्रांतील कामगार संघटनांचे प्रतिनिधी, पदाधिकारी आणि कार्यकर्त्यांच्या उपस्थितीत हे महत्त्वपूर्ण अधिवेशन संपन्न झाले.

        तीन दिवस चाललेल्या या अधिवेशनात संघटनेच्या संघटनात्मक मजबुतीकरणासह कामगारांच्या राष्ट्रीय पातळीवरील प्रश्नांवर सखोल चर्चा करण्यात आली. कामगारांचे हक्क, रोजगार सुरक्षा, उद्योगनिहाय अडचणी, कामगार कायदे, सामाजिक सुरक्षा आणि संघटनेच्या भावी कार्यदिशेबाबत महत्त्वाचे ठराव मंजूर करण्यात आले.

        या अधिवेशनात भारतीय मजदूर संघाची नवी केंद्रीय कार्यसमिती गठीत करण्यात आली. त्यामध्ये केंद्रीय कार्यसमिती सदस्य आणि कोल उद्योग प्रभारी म्हणून लक्ष्मा रेड्डी यांची निवड करण्यात आली. तसेच केंद्रीय कार्यसमिती सदस्य आणि कोल उद्योग सह प्रभारी म्हणून सुधीर घुरडे यांच्यावर महत्त्वाची जबाबदारी सोपविण्यात आली.

        कोल उद्योग हा देशाच्या औद्योगिक आणि ऊर्जानिर्मिती व्यवस्थेचा कणा असल्याने या क्षेत्रातील कामगारांचे प्रश्न प्रभावीपणे मांडणे, संघटनात्मक समन्वय साधणे आणि कामगारांच्या हक्कांसाठी संघर्ष करणे ही जबाबदारी नव्या पदाधिकाऱ्यांवर सोपविण्यात आली आहे. लक्ष्मा रेड्डी आणि सुधीर घुरडे यांच्या नेतृत्वाखाली कोल उद्योगातील कामगारांचे प्रश्न राष्ट्रीय पातळीवर अधिक प्रभावीपणे मांडले जातील, असा विश्वास अधिवेशनात व्यक्त करण्यात आला. अधिवेशनाच्या समारोपप्रसंगी भारतीय मजदूर संघाच्या पदाधिकाऱ्यांनी संघटनेच्या राष्ट्रहित, कामगारहित आणि उद्योगहिताच्या धोरणांवर ठामपणे काम करण्याचा निर्धार व्यक्त केला. देशभरातील कामगार चळवळीला नवी दिशा देणारे हे अधिवेशन ठरल्याची भावना प्रतिनिधींनी व्यक्त केली.

#LakshmaReddy #SudhirGhurde #BMS #BharatiyaMazdoorSangh #BMSAdhiveshan2026 #JagannathPuri #WorkersMovementIndia #CoalIndustry #LabourUnion #IndianWorkers #BMSCouncil #TradeUnionIndia #chandrapurnews #chandrapurcity #chandrapur #aamchavidarbha #vidarbha