कार-दुचाकी अपघातात एक ठार, एक जखमी

• आर्वी-खामोना च्या मधात भीषण अपघात

अनिल गंपावार - आमचा विदर्भ तालुका प्रतिनिधी

राजुरा -

भरधाव कारने दिलेल्या धडकेत दुचाकीच्या मागे बसलेला जागीच ठार तर दुचाकी चालक गंभीर जखमी झाल्याची घटना आज दुपारी तीन वाजताच्या दरम्यान आर्वी-खामोना च्या मधात घडली. वासुदेव मारोती जुनघरे (वय अंदाजे ४०) रा. पाचगाव असे या अपघातात मृत झालेल्या व्यक्तीचे नाव आहे. तर दुचाकी चालक अजय रामदास चौधरी (वय अंदाजे २०) रा. पाचगाव असे गंभीर जखमीचे नांव आहे. मृतक वासुदेव जुनघरे हे जखमी अजय चौधरी चे मामा आहे. दोघे मामा-भाचे राजूरा हून पाचगाव ला दुचाकी क्रमांक एमएच ३४ बीयु ३५१९ ने जात होते. आर्वी-खामोना च्या मधात मागून येणाऱ्या भरधाव कार क्रमांक एमएच ३४ बीआर ४७१५ ने त्यांच्या दुचाकीला पाठीमागून धडक दिली. यात वासुदेव जुनघरे यांचा जागीच मृत्यू झाला तर अजय चौधरी ला गंभीर दुखापत झाली. समोरील तपास पोलीस करीत आहे.