सिमेंटच्या बल्कर ट्रकमधून अवैध दारू जप्त

• ४१ लाख ८० हजाराचा मुद्देमाल जप्त
• गडचांदूर पोलिसांची धडक कार्यवाही

धनराजसिंह शेखावत - आमचा विदर्भ प्रतिनिधी

गडचांदूर -

जिल्ह्यात अवैध दारूविक्री आता शेवटची घटका मोजत असून अवैध दारू विक्रेते शेवटची कमाई म्हणून आता या अवैध व्यवसायात चांगलेच रमले असल्याचे चित्र दिसून येत आहे. असे असतांना मात्र पोलिसही तितकेच सक्रिय झाल्याचे दिसून येत आहे. 

कोरपना तालुक्यातील औद्योगिक शहर गडचांदूर येथील वॉर्ड क्रमांक ६ येथे सिमेंटची वाहतूक करणाऱ्या एका बल्कर ट्रक मध्ये अवैध दारू असल्याची गुप्त माहिती गडचांदूर पोलिसांना सूत्राकडून मिळताच ठाणेदार गोपाल भारती यांनी पथकासह सदर ठिकाणी धाव घेत बल्कर ट्रक क्रमांक एमएच ३४, बीजी ६५९३ ची झडती घेतली असता त्यात १८० एमएलच्या  देशी दारूच्या १८ पेट्या आढळून आल्या सदर घटना २९ मे रोजीची असून यातील ३ आरोपी फरार असल्याची माहिती आहे. ट्रक अंदाजे किंमत ४० लाख, दारू किंमत १ लाख ८० हजार असा एकूण ४१ लाख ८० हजाराचा मुद्देमाल पोलिसांनी जप्त करत आरोपीविरुद्ध दारूबंदी कायद्यांतर्गत गुन्हा नोंदविला. सदर कार्यवाही ठाणेदार गोपाल भारती यांच्या नेतृत्वात सहायक पोलीस निरीक्षक रायपुरे, इंदल राठोड, बनकर, खंडू मुंडेकर, महेश चौहान यांनी केली. जप्त केलेला बल्कर ट्रक केटीसी चा असल्याचे कळते. 

परिसर, जिल्ह्या, विदर्भ, महाराष्ट्र, देश, विदेशातील बातम्या, ताज्या घडामोडी व उपयुक्त माहितीसाठी आम्हाला आताच फॉलोव करा, आमच्या फेसबुक पेजला लाईक करा.