कोरपना पोलीस स्टेशनमध्ये सेनिटायझर मशीनचे लोकार्पण

• मा.पंतप्रधान नरेंद्रजी मोदी साहेब यांच्या यशस्वी कार्यकाळ सात वर्ष पूर्ण झाल्याबद्दल तालुक्यात विविध कार्यक्रम संपन्न

शैलेश कोरांगे - आमचा विदर्भ प्रतिनिधी
कोरपना -
माननीय पंतप्रधान नरेंद्रजी मोदी साहेब यांनी आपल्या सात वर्ष यशस्वी कार्यकाळ पूर्ण केल्याबद्दल भारतीय जनता पार्टीच्या वतीने कोरपना तालुक्यात कोरपना पोलीस स्टेशन येथे आमदार सुधीरभाऊ मुनगंटीवार वित्त नियोजन वन तथा पालकमंत्री यांनी सॅॅनिटायझर मशिन उपलब्ध करून दिल्याबद्दल त्यांचे अभिनंदन व आभार मानण्यात आले. 

माजी केंद्रीय गृह राज्यमंत्री हंसराज अहिर, भाजपा जिल्हा अध्यक्ष देवराव भोंगळे, माजी आमदार अँड. संजय धोटे, सुदर्शन निमकर यांनीही सॅनिटायझर मशीनसाठी पाठपुरावा केला होता. आ. सुधीरभाऊ मुनगंटीवार यांचेशी दोन ऑक्सीजन कॉन्से्टर व 2 सेनिटायझर मशीनची मागणी कोरपना तालुका भाजपा  अध्यक्ष नारायण हिवरकर यांनी केली होती. त्यांच्या मागणीला प्रतिसाद देत त्वरित दोन ऑक्सीजन कॉन्से्टर मशीन व दोन सॅॅनिटायझर मशीन तसेच दहा हजार मास उपलब्ध करून देण्यात आले. 

कोरपना पोलीस स्टेशन येथे सॅॅनिटायझर मशीनचे लोकार्पण तालुका भाजपा अध्यक्ष तथा जिल्हा उपाध्यक्ष नारायण हिवरकर यांच्या हस्ते करण्यात आले. यावेळी ठाणेदार अरूण गुरनूले, शाखाध्यक्ष अनिल कौरासे, ज्योतिराव कोहचाळे, प्रवीण भोयर, गणेश चितळे आदी भाजप पदाधिकारी कार्यकर्ते व कर्मचारी मोठ्या संख्येने उपस्थित होते. तसेच यावेळी उपस्थित मान्यवरांच्या हस्ते मास्क चे वितरण सुद्धा करण्यात आले.