अखेर ग्रा.पं. उपसरपंच प्रफुल तुम्मे यांच्या प्रयत्नांना यश

• केंद्रीय मंत्री नितीनजी गडकरी यांच्या कडून सावली तालुक्यासाठी 5 ऑक्सिजन कॉन्संट्रेटर
• माजी आमदार अतुल देशकर यांचा पुढाकार
• पाथरी येथे कोविड सेंटर मध्ये अतिशय उत्तम कार्य सुरु आहे - अतुल भाऊ देशकर
• गेले 2 दिवस सतत ऑक्सिजन कॉन्संट्रेटर साठी प्रफुल तुम्मे यांनी उपल्ब्ध करण्याचे प्रयत्न केले
• त्या प्रयत्नाची दखल घेते अतुल भाऊ देशकर यांनी दिली मदतीची हाक

आमचा विदर्भ - ब्युरो रिपोर्ट्स

सावली -

सावली तालुक्यात कोरोनाचा प्रादुर्भाव दिवसेंदिवस वाढतच आहे. अशा परिस्थितीत शासन व प्रशासनाची यंत्रणा कमी पडत असतांना ब्रह्मपुरी विधानसभेचे माजी आमदार प्रा.अतुल देशकर यांनी भाजपा नेते व केंद्रीय मंत्री नितीनजी गडकरी यांच्या कडे ऑक्सिजन कॉन्संट्रेटर करून देण्याची मागणी केली. 

आज ब्रह्मपुरी येथील विश्रामगृहात ब्रह्मपुरी विधानसभेचे माजी आमदार प्रा. अतुल देशकर यांनी सदर 5 ऑक्सिजन कॉन्संट्रेटर सावली पं. स चे माजी उपसभापती तुकाराम पा. ठिकरे, पाथरीचे उपसरपंच प्रफुल तुम्मे, शरद सोनवाने यांना सुपूर्द केले.

सावली तालुक्यातील जनतेसाठी ऑक्सिजन कॉन्संट्रेटर उपलब्ध करून दिल्याबद्दल केंद्रीय मंत्री नितीन गडकरी व माजी आमदार अतुल देशकर यांचे भाजपा तालुका अध्यक्ष अविनाश पाल, माजी जि.प सभापती संतोष तंगडपल्लीवार, महामंत्री सतीश बोंम्मावर,तुकाराम पा.ठिकरे,शरद सोनवाने तथा भाजयुमो चे जिल्हा उपाध्यक्ष विशाल RK यांनी आभार मानले आहेत.